Video
Introduction
The must-try signature item, Tomato and Egg Pineapple Bun, is a pioneering creation. Coupled with a cup of milk tea, this is the ideal afternoon snack.
continue reading
Awards and Titles
Best Restaurant in Yuen Long (2014-16)
Opening Hours
Today
08:00 - 17:00
Mon - Sat
08:00 - 17:00
Sun
Closed
*特別通知留意Facebook專頁
Above information is for reference only. Please check details with the restaurant.
平日中午來食，不需排隊叫左一個豬扒太陽蛋出前一丁轉蕃茄湯一杯凍奶茶，共$74價錢不是重點，而係一個麵餐由落單1點39分起計，足足25分鐘先到餐以茶餐廳同麵餐黎講實在太慢味道方面，麵是麵蛋是蛋，沒有太多技術含量豬扒只可以講係正常，但無切件原件上，成塊棉被咁大，食起上黎唔舒適蕃茄湯底濃郁唔錯，但未至於係驚艷總結：普通茶餐廳貨色，唔明點解有人要排隊食，同埋等餐太耐，配以此價格是為性價比很低我相信支持者會繼續支持，但我不是hater, 純粹表達個人意見，返出去食牛奶冰室無咁嬲，因為預左係普通野。
continue reading
近排同老公送完小朋友放學，搵地方撐枱腳食早餐，我哋第一時間想食華嫂冰室嘅招牌菠蘿包同埋蕃茄湯底瑞士雞翼豬扒招牌米線～之前舊地址已經成日幫襯！而家keep住好多人排隊～轉咗地方之後，環境大咗座位闊落有室內有室外座位～冇以前個位咁多蚊！服務態度好好！老人家孕婦等等會先入座！唔使排隊！👍🏻呢個值得一讚啊⭐️我哋都係等咗10分鐘就入得，而家有QR code落單超方便！美食⭐️⭐️⭐️⭐️🩵瑞士雞翼豬扒蕃茄湯底米線佢哋最出名就係呢個蕃茄超級濃郁湯底淡淡都係蕃茄🤤瑞士雞翼大大隻炆到好腍身！豬扒有咬口彈性！揼得好鬆，好好食！米線都好滑，啱啱好～🩵招牌菠蘿包菠蘿包夾住流心煎蛋、蕃茄、牛油🧈超級夾好有層次～🩵鹹牛肉包超級鬆軟麵包夾住鹹牛肉餡加流心煎蛋超級惹味～新鮮出爐麵包焗到熱熱地！裏面超級軟熟～🩵招牌奶茶超級香濃茶味～加埋奶超級香滑！一定要點啊！
continue reading
幾乎每次去親華嫂，都好多人要等位。今日星期四閒日大約12:30左右，無論室外定室內都滿曬。拎完飛大約等5分鐘就有位，都好快。-鮮油奶多 $17每次都必點😆我知係好邪惡😈入面塊牛油係厚切(我同自己講，耐唔耐食一次無問題嘅😜)牛油好軟，配埋奶油超夾😋-香煎豬扒(出前一丁+3)(蕃茄湯底+10) $43豬扒煮到好淋，而且煎到好香口😋同埋好大塊，食到好飽-所向無敵餐蛋(出前一丁+3)清湯 $31呢度嘅午餐肉係幾好味👍🏻我對午餐肉好有要求，有時喺出面餐廳食到有d有怪味，我會成塊唔食😅呢度係煎到啱啱好，正😋雖然唔包飲品，要另外加錢，但埋單都係$133，人均$67，抵食👍🏻出面有空地免費泊車，好方便。
continue reading
剛好來到天水圍，便試試一直bookmark 左華嫂冰室，點了人氣豬扒餐肉炒蛋麵，雖然價格實惠，但整體表現並沒有太多驚喜麵條煮得剛好，但口感平平，缺少了應有的彈性和風味。豬扒方面，雖然外皮酥脆，但肉質稍顯乾柴，沒有特別的調味，讓人覺得有些單調。至於炒蛋，雖然滑嫩，但缺乏香氣，與麵條和豬扒的搭配似乎也不夠出色。整體來說，這道菜吃起來還算可口，但如果你期待更豐富的味覺體驗，可能會感到失望。華嫂冰室的其他招牌菜或許更值得一試。
continue reading
一個人，平日下午3:00到達。搭枱冇所謂，四人枱，有三人一家，安排我坐第四個位。同一時間，有張兩人枱，有一個人坐緊。嗰一家人，明顯就係熟客。華嫂駐場，問佢啲夥計，點解安排我一個人坐落去人哋一家人嗰張枱。咁佢夥計話，想留返張二人枱做生意。我都冇乜所謂，因為都唔係有好多空位。順利落單叫嘢食，食物到咗，豬扒米線，唔難食，但係冇乜特別。發覺唔夠飽，再後+1個鮮油多，咁佢哋都係用qr code落單，我自然地就係掃返頭先叫米線，喺枱上邊嗰個QR code。隔咗一陣，有個夥計走埋嚟，話我落錯單，應該要掃枱上邊個QR code，語氣其實係話緊我點解會落錯單，我都有禮貌咁同佢講，我就係掃枱上面個QR code，我周圍都冇第二個QR code俾我婦，我點樣掃錯呢？伙記冇答我行開咗。呢樣嘢我就覺得，你哋個系統就算啱又好，錯又好，你都搵得到我，需唔需要怪責個客人呢？之後嗰家人走咗，又嚟咗三個人坐落嚟，今次又係熟客，華嫂自己安排，叫個三個人坐去另一張枱。嗰陣時候已經唔係太多人，再隔一陣有兩個人坐落嚟，跟住叫嘢食，我見到冇乜嘢人，我背脊有個手提袋，放咗喺背脊好耐，放喺隔籬個位上邊。放咗都冇5分鐘，又再安排一個人，坐落嚟。今次個夥計就唔客氣啦，直頭質問我，點解放個手提包喺張凳度？大姐，點知道你食碗麵嘅時間，安排返枱得咁密啫。你有人坐，我咪拎開囉，我又唔係要霸住，唔使咁樣態度㗎嘛寫完成篇，好長氣。但係其實只係一間茶餐廳，比我感覺就係好想搵多啲錢，要用盡精力叫啲客坐迫啲，就算間餐廳有好多位，都要盡力留多啲位比未到嘅客人。埋單90幾蚊，一碗豬扒米線，一杯凍檸茶，一個鮮油多。話平唔平，但係食得好辛苦。又遠又隔涉，如果唔係因為隔離就係港車北上驗車中心，都唔會過嚟。當然亦都冇下次。
continue reading