Video
Opening Hours
Today
11:30 - 16:30
17:00 - 22:00
Mon - Sun
11:30 - 16:30
17:00 - 22:00
Public Holiday
11:30 - 16:30
17:00 - 22:00
*(堂食及外賣截單 16:15 堂食及外賣截單 21:30)
Above information is for reference only. Please check details with the restaurant.
三點嗰陣時經過呢間餐廳有十幾個人排隊，等咗大約20分鐘終於入到間餐廳，以星期六日黎講，呢個等候時間都算合理。佢仲有午餐同下午茶揀 最後我哋嗌咗一個午餐同下午茶。下午茶餐嗌咗個海南雞船河，啲雞好滑，豬紅有味但係蘿蔔冇味多渣，湯底偏鹹午餐嗌咗個自選兩餸麵，最後揀咗豬手豬頸肉冬陰功湯可。豬手好淋豬頸肉爽口 冬陰功湯地都算濃味，但都係偏鹹。個午餐加配咗八蚊要咗個春卷，而下午茶餐本身就包左小食，嗌左蒜蓉包配咖哩!相對之下個春卷係好食啲，仲熱辣辣！！嘢飲嗌咗個牛油果沙冰同埋凍奶茶。牛油果沙冰感覺冇乜冰粒，加分，入口嘅甜度適中而且又好有牛油果味，比較有驚喜 ！奶茶就係普通港式奶茶味道！
continue reading
由唔再收信用卡開始，已經唔係以前嘅金坊。外賣兩碗船河，變咗普通湯河，湯底完全唔係果回事！無咗炸豬皮同豬紅！仲要船河本身貴d!!蝦醬炒飯，有少少蝦醬味，但味道非常“健康”，飯身異常地濕，色水欠奉！炒金邊粉，蝦係霉嘅，豆干變豆卜粒，金邊粉得個顏色似樣，但係似變壞嘅酸味！門口寫外賣正價有九折，仲送熱飲，但最後只有九折，完全無送熱飲，應該話係完全打算送俾你，無提過！！幫襯不下十次，但今次完全有被詐騙嘅感覺！！！外賣你無可能每碗嘢開出黎睇有無俾錯，仲要專登搭車過去買外賣，恰我唔會拎返去投訴？！呢間嘢，真係無下次!!!
continue reading
其實難食既泰國野真係好少，竟然俾我搵到🤦🏻♀️金坊泰國美食 (邊有美食？）係寶琳新都城二期，都係抱住試下既心態入座，嗌左碗泰式鴨肉湯河。碗野黎到我就心知不妙，湯河上面有一大堆蔥，仲有紅蘿蔔，似台式多過泰式囉。泰式湯河靈魂係個個湯底，一試啖湯，真係「妖」左出聲，完全唔係泰式。啲河粉係粗河粉，痴埋一舊舊，食落唔熱既，啲鴨就大部份係骨，碎濕濕咁。真係超難食！！ 碗河最後食剩半碗，為左止蝕無繼續食落去，尼間野真係要係我meal list 入面black list,無下次！仲有，每杯水原來要收3蚊茶水錢，尼間野真係勁差，勸喻大家試都唔使試。📍金坊泰國美食 (將軍澳)將軍澳寶琳欣景路8號新都城中心二期2樓2016號舖
continue reading
里間店野食還好.放假閒逛時經過去試下，點左海南雞飯 優惠加串沙爹串燒。。。。海南雞一般般 全係雞胸，主要係個汁 幾好食。沙嗲串燒 一入口 得個暖 沒夠熱。食得出串好左雪櫃拎出黎加熱啫係翻熱菜！吾係即時串即時燒。美中不足凍茶有d甜，下午過去 大概4點環境算吾錯，有時4點後過去人性化會暫停營業讓員工休息 有時真係會白跑一趟！食過幾次，佢地炒通菜 真心吾錯，帶點辣椒，野食算抵食既，價錢算一般般親民，總體而言算正常一般般 沒掉坑
continue reading
$18隻燒大頭蝦，叫佐4隻，嚟佐5隻，全部都係由頭至尾只有中指size長,蝦頭完全無膏，而且蝦肉入口即溶，又梅又臭，入口即吐。$18隻燒生蠔，叫佐4隻，size好大隻，有手掌大，等佐差不多半個鐘至嚟，一開發現元貝位半透明，緊黏住殻，用匙撬都唔甩，叫waiter拎返廚房燒多陣，點知一等又差不多半個鐘至嚟，中途約15分鐘已通知樓面仲未到，可能樓面以為我投訴燒蠔臭，嚟到竟然係全新4隻燒蠔，但係同樣地元貝位都係半透明，撬極都唔甩，我地已放棄再等，唯有放落已食完明爐魚個dou焯熟佢，口感雖然ok，但係食完成口有陣陣臭蠔味。明爐馬友又係梅，而且仲有唔少魚鱗，要邊食邊吐。馬拉盞通菜同炒什菜，用細碗裝，先唔講份量少，d菜大部份碎濕濕。第一次係泰菜館食菠蘿炒飯唔係用菠蘿殻裝。泰式豬手普通過普通。係生蝦同咖哩軟殻蟹跟蒜蓉包比較好食。食完半個鐘有輕微肚痛5個人$900埋單不會有下次
continue reading