Video
7-min walk from Exit B1, Tsim Sha Tsui / East Tsim Sha Tsui MTR Station
continue reading
Telephone
31517200
Opening Hours
Today
12:00 - 15:30
17:30 - 23:00
Mon - Sun
12:00 - 15:30
17:30 - 23:00
Above information is for reference only. Please check details with the restaurant.
天氣冷冷的 想吃一點熱最近又追緊黑白 (韓國綜藝既煮菜比賽)突然好想食正宗韓國豆腐鍋於是就來到以韓國街命名的金巴利街從尖東方向行入去的第一間叫家家戶戶見到門口有不少人的應該是受歡迎吧 就選擇它吧 餐廳以家庭式小店經營裝修環境幾Warm有置身於平時睇韓劇見到傳統韓國家庭食飯既感覺//韓式牛肉石鍋飯 $109//餐廳主打多款配搭嘅套餐組合每個套餐都包含四款韓式小菜、海帶湯同埋益力多作為飯後小甜品牛肉石頭飯當然是連原個熱辣辣石鍋上枱上桌時散發著陣陣焦香拌飯內應有既韓式配菜都有包括泡菜、芽菜、雞蛋等等再將韓式甜辣醬撈勻配菜三兩下手勢已經見到飯焦飯焦香脆可口 牛肉醃得好入味口感層次豐富 石頭鍋夠熱可保溫食到味都仲係熱辣辣//泡菜豬肉鍋 $109//熱辣辣香噴噴 泡菜鍋少少辣凍天來食就最適合不過 好暖胃豬肉是五花肉 咬落有層次豆腐好掛湯亦都好入味送飯真係一流
continue reading
一講到食韓國菜，不其然就諗起尖沙咀嘅「韓國街（金巴利街）」，真喺成條街都喺韓國餐館或韓國超市。今晚就返老婆收工，兩口子嚟到街口嘅「家家戶戶」，輕輕鬆鬆食一頓簡單嘅韓國菜。唔喺講笑，雖然，只喺平日晚，但七點鐘已經有唔少人喺門口排隊，不過都算快上快落，等候嘅時間亦唔會太長。而裡面屬於小店格局，裝修方面好有傳統韓國家庭風，一室木系枱櫈，牆上近天花位又做咗啲書架。打開餐牌，都喺賣傳統嘅韓國料理，但選擇非常之多：炒飯、什錦飯、石頭飯、海鮮湯、年糕湯、炒年糕、韓式公仔麵、炸雞……等等，睇見餐牌有兩個價錢，平啲嘅喺散點，貴啲嘅喺套餐，會多咗啲韓式前菜同埋一碗海帶湯。由於一心都諗住食石頭鍋飯，咁啱見到佢另一張單張，逢星期一至四指定款式嘅石頭鍋飯做緊推廣，比正價平一截，咁更加無理由唔點佢啦。雞肉韓式什錦飯 $102逢喺多菜嘅嘢老婆都鍾意，初時佢都想揀湯年糕，不過最後都揀呢款什錦飯。先分享啲韓式前菜，亦喺食韓國菜嘅一大亮點，有泡菜、辣豆腐、涼拌韭菜花、涼拌海帶，樣樣都幾好食，各有個性，尤其最後者，食起嚟清爽解辣。而飯裡邊有好多唔同嘅蔬菜，包括翠玉瓜，甘筍絲，大豆芽、菠菜，加多隻煎蛋添，夠營養又健康，同埋啲蔬菜唔喺就咁白烚，喺有調味兼處理過，跟飯撈勻食真喺好好味，再者，雞肉煎得香口，飯粒又軟熟，份量又足，性價比高。韓式牛肉石頭飯 $109做緊推廣價只買$85，食得更加划算，石頭飯送到嚟一睇就知無將貨就價，大大碗石頭飯，滾熱焫，跟老婆嘅韓式什錦飯差唔多，配菜都喺一樣，不過，換咗熱焫焫嘅石鍋，同埋煎蛋換成生蛋。將韓式甜辣醬同所有配料撈勻一齊食，味道豐富又帶少少辣勁，牛肉好軟熟，下面更有飯焦，食到尾都仲喺暖笠笠，正呀喂！順便講埋個海帶湯，睇開韓劇都知，韓國人生日就會飲海帶湯。碗海帶湯飲落幾清爽，唔好睇佢好似平平無奇，上網睇過其實啲海帶都搵啲牛肉一齊炒過先嚟煮湯。另外，套餐仲送咗一支韓國版嘅「益力多」，都好耐無飲過啦，啱晒我食石頭鍋飯之後飲。見到外面仲有好多人等位，我哋都好識做，食完就走。家吓經濟好似好番啲，希望大家啲生意越做越好啦。
continue reading
講起韓國菜自然會諗起韓燒、人蔘雞，但近排沉迷《黑白料理》，被幾個媽媽級嘅廚師深深吸引住，原來韓國嘅家常菜都幾吸引喎！喺香港想食地道嘅韓國家庭料理，自自然然會諗起香港小韓國：金巴利街。其中推介家家户户，餐廳有多款套餐配搭組合，置身於傳統韓國家庭裝潢，享受正宗韓國美食。辣海鮮湯飯辣海鮮湯可以話係韓國家庭料理嘅經典菜式之一。海鮮有青口、蝦、魷魚等，令微辣嘅湯底內，加上海鮮嘅鮮甜味，令味道充滿層次。至於定食內仲有4款自家製泡菜，加上大大碗飯，非常飽肚。餃子年糕公仔麵韓國嘅公仔麵因為麵質更爽口紮實同有咀嚼感，深得成為唔少人喜愛。尖沙咀家家户户嘅餃子年糕公仔麵，怕辣嘅人都啱食，配料仲有自家餃子同年糕呢！至於作為定食仲有4款泡菜同飯卷，非常抵食！
continue reading
家家戶戶 📍尖沙咀金巴利街1B恆港中心地下1號舖⭐️ 牛肉海鮮辣湯麵 $119碗麵勁大碗🤣 除咗有隻大蝦，裏面仲有好多菜、魷魚粒、牛肉碎同埋有2隻青口！小菜包括泡菜、黃蘿蔔、同埋粉絲餃子🥟 分量好多，食到超飽😂辣度大概係5小辣？對我黎講有少少辣但好過癮，同埋好在跟餐有支益力多可以解解辣🤣⭐️辣海鮮公仔麵 $78 呢個餐嘅前菜有啲唔同，有泡菜、小菜芯、薯仔絲、同埋有紫菜包飯。幾鍾意食泡菜，辣辣地又唔會太酸。雖然呢個面都有個辣字，但係牛肉海鮮辣湯係辣勁多😂 工作完一日之後，食啲邪惡嘅嘢放縱一下真係好正🤣陸續都有客人喺門口排隊，不過都入得幾快～有勁多套餐揀，所以可以趁排隊嘅時候諗定食咩先🤣 #fookdie尖沙咀 #尖沙咀美食 #韓國美食
continue reading
琴日食完返到去已經腸胃開始少少痛，到今日已經係演變到腸胃炎，期間我冇食過任何野，完全0胃口。當日叫咗份石頭鍋飯同泡菜煎餅，味道係還好，但衛生情況就完全唔ok，個水壺係黐立立，而導致我腸胃炎嘅一大因素，極度懷疑係佢嘅餐前小菜，泡菜、腸仔、苟菜（完全唔好食，好後悔自己食咗…而其他餸菜亦都唔知有冇關係…唉真係人生第一次喺出邊食完嘢返到去即刻腸胃炎😅😅😅嚴重到要去睇醫生！無奈至極⋯⋯當日間餐廳都幾多人，希望店家真係處理好餐廳嘅衛生…😅 食到人哋腸胃炎真係好痛苦…🙏🏻😭
continue reading
You may be interested in