66
1
0
7-min walk from Exit L5, Tsim Sha Tsui / East Tsim Sha Tsui MTR Station
continue reading
Opening Hours
Today
11:00 - 22:30
Mon - Sun
11:00 - 22:30
Above information is for reference only. Please check details with the restaurant.
由媽咪雞蛋仔👸🏻嘅元組總店開始幫襯一直係我心目中最好味嘅雞蛋仔分店越來越多 但質素依然保持到 產品仲越來越多😀經過天星碼頭分店 見到大排長龍 但係都忍唔住買返一底叫左抹茶黑糖麻糬雞蛋仔✨配搭好新穎 唔使10分鐘已經有🤭雞蛋仔依然係外脆內軟每粒雞蛋仔入面都有黑糖麻糬 煙靭又拉絲 黑糖味濃 配返唔算太濃太苦嘅抹茶底 甜度又岩岩好而家居然有新地雪糕🍦$20勁大杯 中間一啲空心都冇 食完勁飽😂好香奶味 creamy又香滑 但唔會好漏 面頭有少少朱古力醬同花生碎 好好味😀
continue reading
好耐都冇食過媽咪雞蛋仔,記得好耐之前都喺港島食,而家連尖沙咀都有,仲要喺碼頭附近都幾方便~而家媽咪雞蛋仔嘅味道多咗好多,今次試佢最貴嘅抹茶黑糖麻糬雞蛋仔~~睇吓佢有咩特別先🤣雞蛋仔係溝咗抹茶粉,都有幾香濃嘅抹茶味,略帶小小苦澀,餅底都唔錯~~即叫即整,啱啱新鮮出爐好脆🤣黑糖麻糬就係麻糬已經係黑糖味😂感覺好似食緊珍珠奶茶嘅「珍珠」一樣😝麻糬煙煙韌韌,口感都唔錯👍而且可以拉絲添🫣而且都幾足料,雞蛋仔入邊都係已經爆曬料,沒有空隙~~👍👍對得起個價錢,個性價比都值得!我哋另外叫咗杯檸檬茶,本身係冇檸檬同埋冇冰嘅…可以走甜,可以飲到檸檬茶原本味道👅檸茶都算幾fresh~夠晒酸😝
continue reading
今日去左海港城shopping,買完野就坐天星小輪過灣仔,行過見到媽咪雞蛋仔出咗一個中秋限定味道,係白蓮蓉蛋黃月餅雞蛋仔,因為我好鍾意食傳統月餅,今次加埋雞蛋仔一定會好好食,所以就排隊買。媽咪雞蛋仔係即叫即整,所以要等8至10分鐘,白蓮蓉蛋黃月餅雞蛋仔粒粒都有白蓮蓉同蛋黃,白蓮蓉味道甜甜地,蛋黃鹹香味道濃郁,雞蛋仔外面烘到好香脆,一咬落去入面軟綿綿,雞蛋味道10分濃郁。另外見到有個香港茶餐廳飲品,我就叫咗一杯鮮榨檸檬水,因為佢係冇冰,檸檬水唔會溝淡咗,新鮮即榨檸檬水味道酸酸甜甜,有豐富嘅維他命C,可以令到免疫力更加提升,好正!呢度係對住天星小輪碼頭,呢個海景食住雞蛋仔真係無敵,如果黃昏可以睇埋日落添。
continue reading
雞蛋仔店越開越多,但係呢間大排長龍嘅雞蛋仔你又食過未⁉️佢哋有多款唔同味道嘅雞蛋仔同特色飲品,真係望到花多眼亂,1516唔知揀咩好🤪但係今次完全就係比呢個期間限定嘅味道吸引咗🤩 仲要拎咗好多屆米芝蓮推介街頭小食添💓1️⃣ 白蓮蓉蛋黃月餅雞蛋仔🥮一年容易又中秋,適逢中秋佳節,總要食啲嘢去應節一下~呢間媽咪雞蛋仔就推出咗中秋節限定嘅白蓮蓉蛋黃月餅味😆 將呢個味ᴄʀᴏꜱꜱᴏᴠᴇʀ雞蛋仔,夠哂特別‼️ 仲要係即叫即整,外脆內軟熱辣辣🔥脆脆嘅外皮包住白蓮蓉同埋蛋黃,係好濃郁嘅味道,會食上癮👅2️⃣ 抹茶豆花牛乳🍵咁多款飲品入邊呢杯淺綠色嘅就最吸引到我😚抹茶味唔會話太澀,反而係淡淡的,加埋豆花同埋牛乳,整杯飲品好滑好ꜱᴍᴏᴏᴛʜ🫣 夏天飲好涼浸浸呢~
continue reading
媽咪雞蛋仔首創白蓮蓉蛋黃月餅雞蛋仔, 將經典月餅餡同雞蛋仔結合, 帶來豐富口感, 食住雞蛋仔慶中秋🥮!好欣賞個外賣包裝有個手抽位, 方便一路行一路拎住食!🔸白蓮蓉蛋黃月餅雞蛋仔💲49即叫即製, 製作時間約8-10分鐘, 拎上手份量十足, 適合兩個人share~ 蛋漿混合咗白蓮蓉同鹹蛋黃, 粒粒都食到鹹蛋黃粒!雞蛋仔外脆內軟熟, 食落有蓮蓉嘅香甜, 口感綿滑, 加上蛋黃嘅鹹香, 好滋味!成個組合好特別!🥤鮮榨檸檬水啖啖檸香🍋好清爽!
continue reading