Video
Payment Methods
Above information is for reference only. Please check details with the restaurant.
不吃不可呢間車仔麵真係由細食到大，由以前露天位去到而家搬咗舖，衛生有改變，位置都坐得舒服啲。雞翼牛腩河，配沙嗲汁同牛腩汁。河粉同牛腩嘅份量都唔算少，牛腩都有約六七小舊，亦都帶有少量牛筋，雞翼食落都入味。另外，牛腩汁同咖喱汁都偏濃，適合重口味嘅人士。餐廳依家有全日特餐、早餐、午餐、配熱飲提供。新墟一帶食車仔麵真係食佢。
continue reading
好食係好食的，蘿蔔好食，魚蛋麻麻唔係陳皮魚蛋，豬紅唔洗叫，個咖哩汁係好食的！不過老闆我叫外賣淨餸返屋企加餸，最想就係食豬腸，俾哂錢你無俾豬腸我呀，老闆，點攪呀！諗諗下紅腸都無俾添喎，點攪呀老闆😩😩😩咁樣點做生意呀，俾左50蚊5個餸得豬紅，蘿蔔，魚蛋各幾粒！俾漏哂，愈諗愈嬲喎⋯⋯錢事少呀，揸到返去無得食果下事大嘛
continue reading
收工去屯門練箭前約老友食晚餐，老友話唔係好肚餓話求其食d，行下新墟附近都有好多小店，見到呢間不吃不可食車仔麵就一於試下。小店鋪面都唔算好細，大約有7張枱，其中有d大枱，位與位之前間都唔會好迫，算ok好坐。望下餐廳有個特餐最抵食，有9款指定餸再送飲品，如果唔岩食自選餸就無飲品送，飲品會另計，咁就略為貴點。特餐我揀左個特餐，9款餸包括咖哩魚蛋，豆卜，豬紅，豬皮，蘿蔔，時菜，雞翼尖，魚皮餃，魚片頭，麵選擇左油麵，湯底就選擇左咖哩汁。咖哩魚蛋有2粒，質地普通唔算好彈牙，但未去到鬆晒，咖哩都入到味，普通。豆卜2件，切開左中間所以好吸汁，好正。豬紅3件，無腥味，唔會一夾就散，幾好。豬皮3塊，腍得黎有d咬口，唔錯。蘿蔔2件，煮得都夠腍仲幾甜，無渣，good。時菜係生菜，都有好幾條，正正常常。雞翼尖2隻，少少鹵水味煮得都少少腍，ok。魚皮餃同魚片頭就各1，魚片頭就細件d，味道正常。油麵底份量都足，煮得唔會好腍幾爽口，咖哩汁初頭睇好似好少，但撈埋之後都好夠味，都ok夠辣。老友就揀自選3餸，再叫埋野飲就貴過我個特餐，所以都係特餐抵食。整體黎講質素都唔錯，環境都幾乾淨幾企理，價錢黎講除左叫特餐抵d，自選餸加飲品就會貴d，下次行過附近想食車仔麵都會再食。
continue reading
【屯門區】【不吃不可】有朋友搵我食飯，照顧我嘅感受嘅話就當然問吓我食乜或者唔食乜。佢問我食唔食車仔麵，我反問佢：「你有幾何喺 foodie page 度見到我寫車仔麵？」咁傲慢嘅回覆，EQ 稍低都頂唔住，好彩呢位朋友一向夠做，就去啦。由第一城站搭港鐵屯馬綫列車走到入屯門都要一個鐘多少少，好彩伴隨我嘅係港鐵近畿川崎列車（按：即 SP1900）。假假哋都係世界上設計車速第二高嘅通勤列車，坐起上嚟心情都好啲，而且又有去日本旅行 feel 喎。嗱，我頭先個括號加個「按」字用得好過港鐵新動力啦下話，大家提升返個質素先。咁就入去呢間朋友講到唔錯嘅車仔麵店度食，我就真係對車仔麵冇乜好感，「車仔」尋晚仲要累我輸咗廿蚊，不過朋友話咖喱汁正，好啦。唔想諗餸，佢有個「特餐」係「九餸雜錦麵」，有魚蛋、生菜、豬紅、魚片頭、魚皮餃、雞翼尖、豬皮、豆卜同埋蘿蔔，是但啦，就呢個啦，配「油麵」，最緊要係個「秘製咖喱汁」，食落又真係幾好食，辣辣哋幾過癮喎。我嫌啲餸麻麻哋，加 $11要埋「豬腸」，又真係鹵得幾正，呢度嘅鹵水汁同咖喱汁都唔錯。跟餐加 $3 要杯「凍檸茶」走甜，夾埋 $62，好食就得啦。呢個餐每樣嘢都唔多，不過勝在乜都有得試，油麵都幾好食，成件事係唔差。而朋友嗰碗就係一個「河粉」配豆卜、豬腸同埋韮菜，咁當然佢都係配「秘製咖喱汁」，不過佢嗰個係散叫，$41 嘅價錢，佢就話好食喇。咁我食埋同一個咖喱汁，都有食豆卜，係唔錯。總括而言係幾好嘅，可以一戰。。。（地址：屯門德政圍23號松苑地下）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #globaleats #1ambackup #1am0638 #followforfollowback #love #eat #1am屯門區 #屯門 #德政圍 #不吃不可 #車仔麵 #黃店 #特餐 #九餸雜錦麵 #咖喱汁 #豬腸 #鹵水 #油麵 #河粉
continue reading
本來放工去食，店舖營業時間收8:30，但8:00話要關門，早知我係荃灣食，老闆尊重客人＆尊重自己。真係從未試過咁，其他店舖真係做到營業時間，先唔比人購買進食，或者可以寫定8:00要last order!!!
continue reading