Video
Above information is for reference only. Please check details with the restaurant.
自從幾年前第一次食有料案內所嘅炙燒焦糖布甸麻糬窩夫，佢就已經喺我心入面佔據咗一個位置，令到我一個九龍人每隔一段時間就會專登坐個幾鐘牛入屯門只為食一個甜品🐂最近一次食係臨近聖誕，應該因為係下午茶時間所以有得$60幾蚊跟餐嗌埋嘢飲，我嗌咗杯熱嘅奶蓋茶，奶蓋屬於比較濃厚鹹香，正正常常，玻璃杯係用雙層隔熱杯，細心位好加分都好打卡able 主角登場👑本體麻糬窩夫不同於坊間，普遍做法係普通窩夫漿中間放麻糬粒或者將麻糬放面，佢哋嘅窩夫本身就係一大舊麻糬‼️估計係喺窩夫漿入面加咗糯米粉等去做出煙韌口感，窩夫表面依然保留到微脆，呢種口感應該唔係個個都鍾意但係勁啱我呢個煙韌控💛💛💛窩夫本身冇乜調味單食比較寡，但係配埋淋面嘅布甸醬同埋炙燒焦糖之後甜度上大滿足‼️佢絕對唔係一個「唔係好甜」嘅甜品，但係加埋雪糕一齊食，冰火交融造就出我心心念念嘅完美組合❤️🔥不過呢次食有一樣嘢美中不足嘅，就係我貪得意雪糕揀咗廚房發辦，嚟咗士多啤梨味，勁難食😵💫浸味好怪唔識形容，覺得佢係污染咗我個甜品，有幾次我都想推走佢但係又覺得三樣嘢係缺一不可，所以千祈唔好嗌士多啤梨味，唔係就會學似我咁矛盾😵💫呢點真係愛之責責之切，強烈希望有料案內所換過士多啤梨味嘅牌子，或者索性令呢隻味喺世界上消失🔪其實唔止食過3次不過有啲揾唔到相喇haha，仲有1點就係呢個窩夫份量好驚人，唔止大塊仲好厚，佢隻碟係類似自助餐碟最大嗰個size咁，我第一次食嗰陣上枱都忍唔住嘩咗一聲！喺我冇食lunch嘅情況下食半份係最滿足嘅！食多四份三已經叫做勉強，所以佢係宜抵食share忌獨食㗎！如果有得揀mini size就好🥺
continue reading
本身舖頭已經細坐低 又唔舒服 個女店員好似一直啤住我哋咁 又黑晒面 甜品就不過不失 食咗個窩夫 唔算外脆內軟 但又唔會話差 但係真係使錢受氣 貼錢買難受 紅橋後面仲有幾間甜品舖 唔會再食有料
continue reading
間野裝修幾靚，幾有日本風格。叫咗個涼粉都幾大碗，一碗其實可以兩個人食。但係叫左個Oreo疏乎厘，等左半個鐘，完全唔值得！店員唔識處理突發事情，態度一般。同埋側邊梳化位唔建議人坐？話係要拎嘢。
continue reading
呢間久仰大名嘅屯門名物🤩今次特登山長水遠入嚟試！叫左個tiramisu麻薯窩夫，分量真係相當驚人‼️窩夫係偏軟冧冧個隻，口感煙un 🥰好滿足但大板燒就有d失望，好似食緊粉槳咁以後主打叫甜品就好
continue reading
「點解唔加底仲貴過加底架？！」 估唔到周星馳電影入面嘅對白能夠在現實中，哩篇食評既重點不在於食物上，食物來說以這個價錢有這個質素是不錯的。今次重點在於餐廳收費及員工服務及態度嘅問題。員工的說話語氣態度先不細緻描寫。因為之前已經有好幾個食評反映了，在此不必多言。話說這裏是用QR code落單，當我們見到有甜品套餐和甜品散叫時，不期然覺得奇怪為何散叫仲貴過套餐？（套餐是有送飲品的。）所以我們決定叫一個窩夫套餐和一個散叫疏乎厘班戟，看看分別在哪（因為常理上就覺得套餐的份量應該比較少一點。）但是我們居然不小心叫了兩個都是疏乎厘班戟，沒辦法了。不過我們是比較想食窩夫的，所以便再叫多一個。但這次的大意反而我們發現一件事，就是不論是套餐或散叫份量都是一樣的。由於上文提到服務員的態度問題，我們都盡量避免和她接觸以免發生不愉快事件，但去到這個情況都不得不提問，結果果然係散叫和套餐份量一樣，而套餐除咗平少少之外還送飲品。 有套餐咁點解要整個散叫出來？就算係散叫多幾粒士多啤梨都好呀，起碼有個分別。之後窩夫來的時間都已經有啲飽，於是就食一半再打包一半。最後埋單的時候，我們和服務員提出既然食的東西都一樣，可否將散叫價錢變回套餐？那杯附送嘢飲我們可以不要。最後店員回覆，因為已經落咗既單是不能取消。好，無問題。只是十元八塊的事無謂大吵大鬧。附圖有我們的單據，上面清楚顯示有套餐和散叫，亦有我們所有餐點圖文並茂。總結今次事件，收費不清晰和有誤導，因為份量賣相完全一樣的話，為何要做一個套餐和一個散叫去誤導消費者？最重要係套餐比散叫更便宜和有飲品送。我們相信如果不是用手機下單，而是由服務員給我們下單絕對唔會有這件事發生。如果店家正看到這個評論，請盡快改正及對相關店員加以培訓。以免浪費廚師們用心做的好甜品。
continue reading