Video
8-min walk from Exit A, Yuen Long MTR Station
continue reading
Payment Methods
Above information is for reference only. Please check details with the restaurant.
同老婆喺鳯琴街體育館做完運動，就行過對面間茶樓嘆番一盎兩件。坐低叫咗壺濃嘅鐵觀音，呢度啲茶葉用袋袋住，唔會沖到成杯茶葉。睇吓張點心紙，各款蒸炸點心，鹹甜美點，各式形式都有，係咁以叫咗籠蝦餃、煎韮菜角、煎釀虎皮尖椒、鯪魚球同腸粉。全部都係即叫即做，夠晒熱。最後仲叫咗紫薯流沙球，賣相都幾得意，味道亦唔差，如果鍾意食甜點嘅朋友，值得大家一試。
continue reading
講左差不多成年話黎食雞煲🤭，琴晚終於去食左了😋，168元任食火鍋真係超抵，麻辣雞煲可能講左小辣，所以唔算好辣，岩晒唔係食得咁辣既我，平時就咁出去叫個雞煲都唔止衣個價錢，衣度仲唔追我地走，一行五人來吃，任我地坐到過晒時都唔理，打完邊爐後仲問我地要唔要再追加雞煲，原來打完再加都得，真係好正！👍🏻
continue reading
一個突如其來既港鐵故障，造就咗我今日嚟呢間酒樓飲茶。原本約同事9點元朗開工，點知港鐵又故障搞到同事嚟唔到，咁肯定有排等，師傅仔呢啲茶餐廳食完就走肯定唔啱等人，咁有咩好過去飲茶hea住等呢？最近西鐵站既平民酒樓，我諗應該係呢間利滿皇宮，門口寫住孖寶28.8 (上去變咗29.8😟)，同9.8起點心 (最後見唔到有9.8既，可能我睇漏)，咁幾抵喎上去試下。點咗孖寶牛肉腸+黑椒爽肚，再點雞絲粉卷，拎加自取鳳爪排骨飯。問心呢間酒樓點心幾好，尤其係牛腸，夠滑又煙煙韌韌，整體點心有70分以上。另外唔係用散茶葉沖茶，而係一大包嗰種，感覺比較衛生，但疑似銅茶壺唔隔熱，唔小心就會辣親，而且茶壺嘴設計不佳，倒茶時非常容易漏到一枱都系。至於咁好食，點解感概呢？咪就係香港服務業一直比人詬病既態度差問題。酒樓有熟客文化大家都明白，但系對生客唔禮貌甚至呼呼喝喝，咁仲點會有熟客呢？態度差，點心上枱時混埋其他點心既汁，無換連唔好意思都無仲要掉上枱，無嘢呀？一堆老鼠屎，即使食物再好，都搞到我以後都唔會再嚟呢間嘢。而家未有遊客已經咁差態度，有遊客嚟更加難以想象。希望香港飲食業同港鐵，都會有改善服務既一日。
continue reading
星期六午餐時段的元朗，餐廳都迫爆，選擇呢間酒樓嘅原因是因為佢有大量的坐位，唔使等。酒樓的衛生真的很一般，部分茶具和匙羹都洗得唔係好乾淨， 環境亦都唔係十分企理。今次叫咗四款款點心同一碗蠔仔粥。牛肉腸粉腸粉尚可，但牛肉碎太淋，食落冇咩牛肉味。主要是靠陳皮和芫荽吊味。燒賣達到標準，同埋有好香嘅冬菇味。雞包仔包皮鬆軟，但餡料略少， 但味道正常。紅棗糕紅棗味很淡，不太推介。蠔仔粥竟然係配料多過飯。肉碎同豪仔用料新鮮， 不過湯底似係加咗味精，因為食完之後很 口渴。2大人1朋友食了大約170元，價錢實惠。但酒樓真的要認真改善一下自身清潔狀況，才能吸引更多人光顧。
continue reading
又係飲茶嘅時候 ╮(￣▽￣"")╭ 酒樓好大，冇乜人，可能因為時間尚早啦，枱同枱之間都有一定嘅距離。防疫感覺OK。 粉果 - 啲餡料勁多，花生脆，感覺好Fresh。 鳳爪 - 味道係好嘅，不過佢係偏向爽身，睇你個人喜好，鍾意淋定係鍾意食爽㗎喇。 叉燒包 - 啲餡係靚嘅，好juicy，味道適中唔係太鹹，但個人覺得包皮比較厚，所以會覺得個包好大隻。不過我係幾欣賞，個包感覺好流心，正！ 牛肉球 - 啲牛肉球細細粒，我覺得OK(優惠點喎)，但係佢啲牛比較多筋。 沙律明蝦角 - 即炸即起，啱鍾意食炸嘢嘅我。 灌湯餃 - 個湯比較鹹，啲料好多。當然啦，唔係真正灌湯餃嘅料，完全係塞咗兩隻燒賣入去咁，再加咗一啲菇囉。OK，但唔會值得recommend。 總括嚟講，員工態度OK良好，但係地氈好污糟，感覺日久失修，完全冇人吸塵。 盛惠$166
continue reading