文華饕記 (Closed)

包膠完龍門，順便講埋另一間灣仔區既良心冰室💛。食過幾次都唔錯，雖然通常都要排隊，但入面都幾大，所以都唔洗排好耐就有位。同埋佢上菜都快，坐得都舒服。🔅黃金雞扒司華力腸湯麵 配鮮奶炒滑蛋 & 蒜蓉多士 ($52)平時好鐘意食司華力腸同埋蒜蓉多士，所以見到即刻叫呢個😝。麵就正常無乜特別，麵質唔會太腍。雞扒同蛋都滑，唔錯。腸同多士都係切左一半，夠晒數，再食會爆quota 😂。多士都幾香蒜蓉味，夠脆！不過腸就比較鹹，要撈埋啲麵先中和番。