叁嘗 (Closed)

屋企人喺附近返工，試過唔錯所以帶我黎食😍。舖頭座位唔算多，不過都唔會坐得好逼。裝修簡單但都唔錯，最鐘意中間個位！唔止令到餐廳無咁暗，仲可以打個卡😌。🔅原條鰻魚滑蛋 ($108)鰻魚好大條，仲要無骨😝，燒得好香！飯係珍珠米👍🏻。撈埋汁同埋蛋已經可以食晒成大碗飯😂。$100鬆啲就有咁大條鰻魚食，唔錯😍！🔅美國牛板腱配薯條 ($138)因為唔係好食生牛又怕血水，所以叫左7成熟，出到黎覺得啱啱好，生生地但又無血水👍🏻。牛預先切好唔使自己慢慢切😎，薄薄地一塊食得幾方便。肉質都唔錯，有牛味，加埋少少黑椒已經好夠，覺得唔夠既就可以點少少鹽。薯條幾有驚喜，份量多，新鮮炸起夠晒香脆，薯條控表示好滿足😍。🔅抹茶千層蛋糕配雪糕(豆腐味) ($68)千層蛋糕應該係自己整既，抹茶味都算濃，餅皮都唔會太厚，中間有層紅豆食落就無咁膩。揀左豆腐味雪糕去配個蛋糕又唔錯，加埋少少餅碎，雖然好簡單但提升左個層次，脆脆地令口感豐富好多👍🏻，不過幾粒藍莓就酸左啲啲🤣。💬無去開附近，原本覺得人流應該比較少，但好快就爆晒場。不過staff依然會同每枱客人簡單介紹番menu，好貼心又好有耐性，特別係長頭髮嗰位staff好nice！