上海婆婆 (如心廣場一期)

Open Now

Now Closed

最近如心廣場有許多新食店，所以夜晚放工多了一啲新選擇，今日來上海婆婆晚飯。新店裝修都幾典雅，帶點古色古香，店子細細，但晚市坐滿人。茶位每人$6蚊，排骨擔擔麵小辣先上，麵的份量頗多，口感煙韌有致，重點係湯底有好多肉碎和花生碎，食落好香口。排骨口感夠肉夠，肉質亦彈牙。砂鍋雲吞雞(小）湯頭熱辣辣好清甜，入面的津白好多，岩晒鍾意食菜的我。仲有雲吞和雞肉，仲有金華火腿的咸香，作為餐湯，飲得又食得！松子雞米配叉子，雞米一啲都唔油，炒得好香口，而且切得細細粒好入味，松子增加左口感。叉子鋪滿芝麻，釀入雞米，真係好好食，我最愛呢道菜！鱔糊炒年糕，大大一盤料足年糕又多，鱔食得出彈牙，加上濃油醬醋去炒，煙韌又入味。幾道菜份量都幾多，基本上二人食已經好夠，最後飽到食唔落甜品。呢間分店服務幾好，大件又抵食。