Video
Read full review
2024-09-20
323 views
中秋的公眾假期，和阿姨來到了尖沙咀食飯行街，首先要食飽先有力shopping，經過谷辰，剛好見到這間炑，午市套餐做緊7折優惠，既然阿姨請客，咁就直接入去試下。點了$1398的套餐，先付擺盤精美，鮮甜的日本串茄下是酸酸地的金絲瓜，好開胃。熱辣辣茶碗蒸暖胃，入面伴有有紫菜、木耳、鮮百合，加添口感。季節刺身8款有深海池魚，肥美軟嫩。牡丹蝦，爽彈富膠原。北寄貝柚子皮，鮮甜非常，彈牙可口。當造秋刀魚砌成叶子形狀，夾起一瓣刺身，點酸汁豉油，肥美帶爽。北海道白海膽鮮甜無筋，滑入喉嚨。火炙鰤魚夠厚切、魚皮帶焦香。馬刀貝爽口彈牙。再飲酒啖自家釀製梅酒，爽皮也！再來吞拿魚腦天，即是吞拿魚頭殼頂那嚿肉，是矜貴的部位，師傅燒得甘香肥美又豐腴，小小一口絕對是享受！天婦羅8款，先來花竹蝦較脆身，啖啖肉，蝦頭脆得成隻食，好似食緊蝦片咁脆！沖繩白苦瓜多汁，入口甘而不苦。愛媛縣目光魚是當造的，比平常更厚身，魚肉細白嫩滑而且無骨。長野縣生炸南瓜又香又甜，鹿兒島茄子好多汁!!西班牙豚肉卷紫蘇包著一整件芝士，好重奶香，唔使任何調味已經一絕！重點係個炸漿做得好出色，食落一啲都唔厚重!!鮑魚天婦羅真係少食，但好驚喜!!!面頭有鮑
點了$1398的套餐，先付擺盤精美，鮮甜的日本串茄下是酸酸地的金絲瓜，好開胃。
熱辣辣茶碗蒸暖胃，入面伴有有紫菜、木耳、鮮百合，加添口感。
季節刺身8款有深海池魚，肥美軟嫩。牡丹蝦，爽彈富膠原。北寄貝柚子皮，鮮甜非常，彈牙可口。當造秋刀魚砌成叶子形狀，夾起一瓣刺身，點酸汁豉油，肥美帶爽。
北海道白海膽鮮甜無筋，滑入喉嚨。火炙鰤魚夠厚切、魚皮帶焦香。馬刀貝爽口彈牙。再飲酒啖自家釀製梅酒，爽皮也！
再來吞拿魚腦天，即是吞拿魚頭殼頂那嚿肉，是矜貴的部位，師傅燒得甘香肥美又豐腴，小小一口絕對是享受！
天婦羅8款，先來花竹蝦較脆身，啖啖肉，蝦頭脆得成隻食，好似食緊蝦片咁脆！沖繩白苦瓜多汁，入口甘而不苦。愛媛縣目光魚是當造的，比平常更厚身，魚肉細白嫩滑而且無骨。
長野縣生炸南瓜又香又甜，鹿兒島茄子好多汁!!西班牙豚肉卷紫蘇包著一整件芝士，好重奶香，唔使任何調味已經一絕！重點係個炸漿做得好出色，食落一啲都唔厚重!!
鮑魚天婦羅真係少食，但好驚喜!!!面頭有鮑魚肝醬，群邊炸得香脆，入口又爽彈仲有鮮甜味！細細一隻鮑魚，估唔到做天婦羅可以咁好食!仲有和歌山杮天婦羅，又係第一次食，唔使點調味，己經自帶甜味！
稻庭冷烏冬灑上了紫菜，幼身的烏冬滑嘟嘟爽口彈牙，簡單的醬汁已經好好食!最後仲有益力多味的雪糕，好滿足~
Post
