Video
Read full review
2024-08-11
258 views
。O小姐。來自澳洲的weekend。日常。 星期六放假，諗住去商場睇吓電腦，睇完見仲有時間，就諗住搵嘢食啦。喺商場入面嘅餐廳全部都爆曬，咁就再係OR望吓望吓，望到呢一間，個裝修好似好輕鬆悠閒咁喎，又見有位，咁一於就試呢一間啦。間餐廳喺鴻圖道，同APM都有啲距離嘅，不過都還可以，行過幾條街，同埋因為我哋本身係諗住周圍睇吓附近仲有啲乜，原來附近都仲有好多餐廳😳不過門口好多人排隊竟然….黎到街口，再見到間餐廳啦，佢outdoor啲位都幾多喎，門口都好容易認，入到嚟，感覺間餐廳都幾大喎，望落都好似有幾多位，中間有張大圓圈枱，仲有啲細間隔，可以一班人去有自己空間，樓底都夠高，起碼唔使驚講嘢嘈親隔離先。Menu 佢哋lunch set或者係special menu嘅，其實special Menu都幾吸引，有任食嘅薯條啊！ 不過我哋啱啱前幾日先食完熱氣嘢，所以唔好free flow 住，食少少先🫢我哋叫咗兩個主菜，分別係燒豬腩配燒薯仔紅椰菜沙律同埋葡式香辣燒春雞配薯條，兩個主菜都加咗套餐，包嘢飲、充滿菇味嘅餐湯（唔記得個湯名）同埋甜品。講返個燒豬腩先，味道係幾好嘅，佢唔同中式嘅燒肉，個皮脆卜卜，肉係
星期六放假，諗住去商場睇吓電腦，睇完見仲有時間，就諗住搵嘢食啦。喺商場入面嘅餐廳全部都爆曬，咁就再係OR望吓望吓，望到呢一間，個裝修好似好輕鬆悠閒咁喎，又見有位，咁一於就試呢一間啦。
間餐廳喺鴻圖道，同APM都有啲距離嘅，不過都還可以，行過幾條街，同埋因為我哋本身係諗住周圍睇吓附近仲有啲乜，原來附近都仲有好多餐廳😳不過門口好多人排隊竟然….
黎到街口，再見到間餐廳啦，佢outdoor啲位都幾多喎，門口都好容易認，入到嚟，感覺間餐廳都幾大喎，望落都好似有幾多位，中間有張大圓圈枱，仲有啲細間隔，可以一班人去有自己空間，樓底都夠高，起碼唔使驚講嘢嘈親隔離先。
Menu 佢哋lunch set或者係special menu嘅，其實special Menu都幾吸引，有任食嘅薯條啊！ 不過我哋啱啱前幾日先食完熱氣嘢，所以唔好free flow 住，食少少先🫢
我哋叫咗兩個主菜，分別係燒豬腩配燒薯仔紅椰菜沙律同埋葡式香辣燒春雞配薯條，兩個主菜都加咗套餐，包嘢飲、充滿菇味嘅餐湯（唔記得個湯名）同埋甜品。
講返個燒豬腩先，味道係幾好嘅，佢唔同中式嘅燒肉，個皮脆卜卜，肉係有少少腍得，但係啲肥膏又唔係特別多喎（重點啊），食落去都唔會話太漏喉，咁當然兩個人share就會好好多啦，如果唔係一個人食完夜晚都唔使食，同埋佢配返個沙律都啱啱好嘅，感覺上自己食返啲健康嘢🫢
Crispy Pork Belly
$118
0 views
0 likes
0 comments
另外嘅主菜係燒春雞，上到枱嘅時候我估唔到係咁大隻！仲要熱辣辣，同埋佢個皮好脆，光澤bling bling 甘，平時嘅燒春雞啲皮都冇特別燒到脆卜卜㗎嘛，但呢個有喎，而啲肉又唔會話太嚡，同埋個味道係我諗因為係葡國啦，所以係好似有少少辣辣地咁樣，加分！
1/2 Peri Peri Chicken
$128
7 views
0 likes
0 comments
唔記得咗講過前菜個菇湯，湯夠濃，有菇味🫶🏻 我鍾意食菇，所以呢個湯啱晒我胃口～
菇湯
$15
0 views
0 likes
0 comments
最尾叫咗兩個甜品，一個係士多啤梨慕絲蛋糕 ，另外一個係雲呢拿焦糖蛋糕！好食過焦糖蛋糕！
雲呢拿焦糖蛋糕
$35
15 views
0 likes
0 comments
士多啤梨慕絲蛋糕
$35
8 views
0 likes
0 comments
最後食飽飽，食咗咁多卡路里落肚，咁就去海濱行吓，要消耗吓啲卡路里。
呢間餐廳應該會再去啊，我覺得以佢嘅價錢同埋食物水準嚟講係成正比嘅，同埋估唔到係呢個工業區都有間咁靚可以打卡嘅餐廳😉
Latte
$18
0 views
0 likes
0 comments
Post
