Video
Read full review
2024-09-01
231 views
今日放假同朋友去左尖沙咀行街，行到攰攰地又啱啱落大雨，記得朋友講過諾士佛台有一間坐得幾舒服嘅酒吧仔叫GuluGulu，仲記得佢個名係因為覺得佢個名幾得意！於是就同朋友去咗嗰度飲野。去到已經覺得個環境唔錯，座位非常寬敞同舒適，播住音樂好chill，冷氣仲好足夠，適合呢啲熱辣辣嘅日子！我哋揀咗坐喺高枱，正正望住Bartender吧位置！我哋叫咗兩個串燒組合，都幾抵：串燒組合 $118包括雞皮、雞髀菇、日本厚油揚、雞軟骨、免治雞肉棒。燒得幾香脆，特別鍾意日本厚油揚，唔會好乾，少少醬汁喺入面，咬入口又保留到有豆腐嘅香味。牛肉組合 $178安格斯牛肉串、牛肉串、山賊牛肋串、牛舌芯牛魔王嘅朋友對於呢四串牛牛串燒都表示好滿意，牛舌芯燒得好爽口，唔會太韌同太老，配上黑胡椒粒，好好味。牛肉串嘅牛肉好腍，唔會好難咬開，燒嘅熟度都啱啱好！！串燒組合仲各包一杯嘢飲，我同朋友各自叫咗一杯嘢飲：Tropical Island 同 GULU GULU Porsche。Tropical Island 有濃郁嘅果汁味，其中熱情果味特別濃厚，味道甜甜地，幾好飲。GULU GULU Porsche係有橙同菠蘿嘅味道喺入面，
去到已經覺得個環境唔錯，座位非常寬敞同舒適，播住音樂好chill，冷氣仲好足夠，適合呢啲熱辣辣嘅日子！我哋揀咗坐喺高枱，正正望住Bartender吧位置！
我哋叫咗兩個串燒組合，都幾抵：
串燒組合 $118
包括雞皮、雞髀菇、日本厚油揚、雞軟骨、免治雞肉棒。
燒得幾香脆，特別鍾意日本厚油揚，唔會好乾，少少醬汁喺入面，咬入口又保留到有豆腐嘅香味。
牛肉組合 $178
安格斯牛肉串、牛肉串、山賊牛肋串、牛舌芯
牛魔王嘅朋友對於呢四串牛牛串燒都表示好滿意，牛舌芯燒得好爽口，唔會太韌同太老，配上黑胡椒粒，好好味。牛肉串嘅牛肉好腍，唔會好難咬開，燒嘅熟度都啱啱好！！
串燒組合仲各包一杯嘢飲，我同朋友各自叫咗一杯嘢飲：Tropical Island 同 GULU GULU Porsche。
Tropical Island 有濃郁嘅果汁味，其中熱情果味特別濃厚，味道甜甜地，幾好飲。GULU GULU Porsche係有橙同菠蘿嘅味道喺入面，都係甜甜的，飲入口嘅時候會先感覺到菠蘿嘅味道，慢慢先至會有橙嘅味道滲出嚟，不過檸檬味就比橙同菠蘿蓋住左啦。
呢間酒吧仔真係好適合三五知己坐喺度飲酒傾偈Chill下咁樣渡過一個下午/晚上。
Post
