Cafe Paradise (杏花邨) (Closed)

忌廉湯呢個忌廉湯個容器好靚，望落就已經好吸引，但係食落就比較鹹，唔算太好食。沙律心形碗仔配上沙律亦十分可愛，但係啲菜就唔算太新鮮，而且有啲苦。辣肉腸薄餅辣肉腸薄餅嘅芝士都好足料好好味，都算不過不失。卡邦尼意粉卡邦尼意粉算係呢餐我覺得最好味嘅，有好多芝士粉，唔會太乾，意粉嘅硬度亦好適中，不過食太多就會好膩。黑牛、金牛可樂加朱古力雪糕以及忌廉加芒果雪糕嘅配搭一如既往咁好飲，而佢嘅小匙羹就十分有心思，匙羹頂有個小飲品裝飾，好可愛！紅豆奶凍紅豆同埋拉動嘅比例配合得好好，奶凍唔會太甜，紅豆味亦好突出。