Video
Read full review
2025-03-16
345 views
一個價錢享受刺身壽司加鐵板燒，超值呀！唔駛等乜節日等我回饋老公啦！💝刺身壽司🔸沙律·前菜✨沙律菜脆口和車厘茄多汁，加點芝麻醬，味道唔會寡口。✨薯仔沙律口感軟滑，除咗食到粒粒薯仔，仲食到魚蓉。🔸時令刺身2点✨左口魚配北海道海膽左口魚味道較淡，魚肉微韌；左口魚包著海膽，海膽甜美；師傅建議可點芥茉豉油或酸汁食，加點紫蘇花更帶花香味。✨野生鰤魚野生鰤魚的皮略略燒過，有炙燒過的味道，魚肉油分重。🔸時令壽司4点✨平政魚壽司平政魚經煙燻過，入口時似食煙肉的香味，魚身肉厚帶油香。✨九州車海老壽司師傅係我哋面前去除蝦殼和腸，九州車海老超新鮮，蝦肉紮紮跳。上枱時蝦肉仲係不斷收縮，蝦肉爽彈，加咗岩鹽更將蝦肉的鮮味帶出。✨北海道馬糞海膽壽司紫菜微鹹脆口，馬糞海膽軟滑甜美。✨拖羅壽司拖羅壽司有三層，上層和底層係中拖羅，而中層係大拖羅，魚油極濃郁。💝鐵板燒🔸季節鮮魚馬友的肉厚身，但皮脆肉嫩，魚油甘香。伴碟的甘荀、法邊豆和粟米仔伴隨酸汁，味道酸甜，最後食埋龍珠果。🔸季節貝類北海道帶子煎香過，帶子大大粒厚肉而質地軟腍，秋葵和菇都幾清甜。🔸鐵板蝦蝦的肉質微韌，車厘茄酸甜多汁，孢子甘藍雖有點苦澀，但冇影響到蝦的味道。🔸煎
一個價錢享受刺身壽司加鐵板燒，超值呀！唔駛等乜節日等我回饋老公啦！
💝刺身壽司🔸沙律·前菜
✨沙律菜脆口和車厘茄多汁，加點芝麻醬，味道唔會寡口。✨薯仔沙律口感軟滑，除咗食到粒粒薯仔，仲食到魚蓉。
🔸時令刺身2点
✨左口魚配北海道海膽左口魚味道較淡，魚肉微韌；左口魚包著海膽，海膽甜美；師傅建議可點芥茉豉油或酸汁食，加點紫蘇花更帶花香味。
✨野生鰤魚野生鰤魚的皮略略燒過，有炙燒過的味道，魚肉油分重。
🔸時令壽司4点
✨平政魚壽司平政魚經煙燻過，入口時似食煙肉的香味，魚身肉厚帶油香。
✨九州車海老壽司師傅係我哋面前去除蝦殼和腸，九州車海老超新鮮，蝦肉紮紮跳。上枱時蝦肉仲係不斷收縮，蝦肉爽彈，加咗岩鹽更將蝦肉的鮮味帶出。
✨北海道馬糞海膽壽司紫菜微鹹脆口，馬糞海膽軟滑甜美。
✨拖羅壽司拖羅壽司有三層，上層和底層係中拖羅，而中層係大拖羅，魚油極濃郁。
💝鐵板燒
🔸季節鮮魚馬友的肉厚身，但皮脆肉嫩，魚油甘香。伴碟的甘荀、法邊豆和粟米仔伴隨酸汁，味道酸甜，最後食埋龍珠果。
🔸季節貝類北海道帶子煎香過，帶子大大粒厚肉而質地軟腍，秋葵和菇都幾清甜。
🔸鐵板蝦蝦的肉質微韌，車厘茄酸甜多汁，孢子甘藍雖有點苦澀，但冇影響到蝦的味道。
🔸煎鵝肝鵝肝肥美，外表焦脆內裏軟身，鵝肝的油分浸入多士中，多士外邊脆內裏腍。柑和醋的酸味剛好去除油膩感。
🔸美國特級牛肉薄燒牛肉薄燒包著蔥，牛肉軟滑無筋，油分豐富，蒜片脆口。
🔸鐵板炒飯炒雜菜炒飯材料極豐富，有牛肉、雞蛋和多種蔬菜，炒飯唔會乾爭爭。
🔸味噌湯用咗蝦頭和蝦膏煲的湯，鹹淡得宜。
🔸抹茶奶凍抹茶味甘，紅豆甜美，奶凍滑溜。
🔸水果拼盤有蜜瓜、士多啤梨和提子，各款清甜。
Post
