銘興山西刀削麵 (民泰街)

Open Now

Now Closed

身為麵之鬼，當然經常去揾好食既麵，黃埔既銘興都開左一段時間，成日都爆棚，終於有機會試下。🔹花雕醉雞🔹例牌一碟，係肶位，酒味濃，好入味，雞肉滑嫩。🔹熱拌牛展豬大腸刀削麵🔹餸係另上，麵同餸既份量都誇張地多，撈麵汁係由芝麻醬同擔擔醬混合再帶點辣，刀削麵彈牙得黎好掛汁，非常惹味。滷大腸好入味，牛展好爽彈。🔹麻辣雞扒湯刀削麵🔹雞扒份量好多，淋上麻辣汁同撒上花生粒同生蒜，係重口味人士最愛。🔹藕帶🔹食咁多重味道野可以叫碟藕帶解膩。爽脆得黎帶點酸辣好開胃。