金屋泰國菜館

Open Now

Now Closed

最近同朋友去左荃灣金屋泰國菜館到食飯，整體感覺都幾抵食～食咁多野都係人均$170！泰式滷水豬手都煮得唔錯，肉質幾軟熟，份量都唔細；私心希望有埋白蘿蔔就更豐富啦😙！鮮菠蘿海鮮炒飯真係有半個菠蘿裝住！配料都幾豐富，包括蝦、青口、腰果、菠蘿等，我地三個人share每人都有2碗！泰式煎蠔餅份量都幾大，而且雞蛋煎好好香，點埋醬汁一齊食都幾開胃！芒果糯米飯拼盤好豐富，除左糯米飯仲有椰汁千層糕、芒果大菜糕、椰汁芋頭糕同埋椰汁紅豆糕，當中我同朋友最鍾意椰汁千層糕😆 嘢飲方面我地叫左兩杯青檸梳打同一個鮮椰青～天氣熱辣辣個陣飲青檸梳打真係好解渴；而椰青都唔錯，呢個價錢有成個椰青都幾抵飲～