Video
Read full review
2016-06-09
4209 views
由於波波成個波咁嘅關係，同又瘦又秀氣嘅文青大纜都扯唔埋，但偶爾都會去下啲文青餐廳，吸收下啲文青嘅仙氣，但今次波波嘅結論係，文青嘅胃應該特別細，唔怪得佢哋咁瘦啦！睇下個門面先，唔係呃你唔係搵笨，堅係幾文青下！好喇，入到去呢，就會有啲文青小鮮肉畀個頭盤，即係麵包呀，唔好諗錯，畀你食嘅！OKay，其實波波會覺得啲小鮮肉應該會好食啲好啦，講返啲真係食得嘅先，呢個叫唔知乜乜蟹肉頭盤。有啲青瓜啦、蟹肉啦、Cream Cheese啦、仲有啲紅色一塊塊唔知乜，溝埋一齊感覺係Fresh嘅，啲蟹肉麵幾鮮味，唔知係咪小鮮肉手拆蟹肉嚟呢？之後叫咗道唔知雞乜乜乜嘅餸，目測有十幾嚿雞啦，三嚿炸咖哩薯仔戟，仲有隻溫泉蛋𠻹，配埋啲西芹忌廉汁，個配搭係幾新鮮嘅，味道雖然唔算好突出，但feel到有心機嚕，不過好似波波呢啲咁大食嘅，就會食唔飽喇！食唔飽，唯有叫多個羅勒葉意粉，如你所見，就係攪碎咗嘅羅勒葉加意粉囉！值得讚嘅係佢幾塊燒咗整到好似花瓣嘅洋蔥，係幾sweet嘅！好喇，食醉梗係要飲飽啦，波波就叫咗個鼠尾花加青檸嘅飲品，嗱，望落藍藍地係幾靚嘅！不過飲落就冇乜味，得個樣囉！查實如果你係文青嘅話，都可以嚟影下相扮晒嘢咁，不
睇下個門面先，唔係呃你唔係搵笨，堅係幾文青下！
好喇，入到去呢，就會有啲文青小鮮肉畀個頭盤，即係麵包呀，唔好諗錯，畀你食嘅！
OKay，其實波波會覺得啲小鮮肉應該會好食啲好啦，講返啲真係食得嘅先，呢個叫唔知乜乜蟹肉頭盤。
有啲青瓜啦、蟹肉啦、Cream Cheese啦、仲有啲紅色一塊塊唔知乜，溝埋一齊感覺係Fresh嘅，啲蟹肉麵幾鮮味，唔知係咪小鮮肉手拆蟹肉嚟呢？之後叫咗道唔知雞乜乜乜嘅餸，目測有十幾嚿雞啦，三嚿炸咖哩薯仔戟，仲有隻溫泉蛋𠻹，配埋啲西芹忌廉汁，個配搭係幾新鮮嘅，味道雖然唔算好突出，但feel到有心機嚕，不過好似波波呢啲咁大食嘅，就會食唔飽喇！
食唔飽，唯有叫多個羅勒葉意粉，如你所見，就係攪碎咗嘅羅勒葉加意粉囉！
值得讚嘅係佢幾塊燒咗整到好似花瓣嘅洋蔥，係幾sweet嘅！好喇，食醉梗係要飲飽啦，波波就叫咗個鼠尾花加青檸嘅飲品，嗱，望落藍藍地係幾靚嘅！
不過飲落就冇乜味，得個樣囉！查實如果你係文青嘅話，都可以嚟影下相扮晒嘢咁，不過好似波波呢啲大食妹，都係夠攝牙縫三角位咋！
Post
