牡蠣不如帰

Open Now

Now Closed

香港嘅拉麵店向來以雞湯同豚骨湯做湯頭為主，以海鮮做湯頭嘅拉麵店少之又少，以蠔做湯頭更加係一隻手數得晒。呢間以蠔湯底做主打嘅拉麵店仲要係米芝蓮一星，所以一直都好想試下，終於一嘗所願。🌟牡蠣鹽味拉麵 4/5雖然話以蠔湯做主打，但蠔湯底只有鹽味呢一個選擇，平時麻麻哋鹽味拉麵嘅小編唯有都膽粗粗試一試。湯底基本上非常鮮甜，蠔味幾出，但又唔腥，非常之不錯。但個人認為如果可以有醬油蠔湯呢一個選項應該會更加好味。至於叉燒就係普普通通嘅豬肩肉，沒有什麼特別。🌟醬漬牡蠣一口飯 5/5呢個一口飯個人認為比拉麵更出色，蠔同飯本身做咗醬油漬，咸度控制得非常好，醬油冇蓋咗蠔味嘅同時，同蠔非常夾，加上紫菜，呢個Combination真係冇得輸！但有一個好可惜嘅係，佢真係一口食哂，而且價錢偏高，性價比頗低。🌟牡蠣野菜天婦羅 3/5比起前兩者呢個天婦羅就相對普通。雖然話普通，但個炸蠔都炸得非常好，天婦羅粉並冇好厚，而蠔亦都冇炸得過熟，咬落去仲係好滑好cream，至於野菜就係一般嘅天婦羅野菜，沒有什麼特別。但一客只有兩隻炸蠔，份量有一點少。