Video
Read full review
2023-01-28
128 views
約咗朋友嚟荃灣 IKEA 睇家品，由於晏咗起身，連早餐都未食，所以提議先到附近搵間餐廳，吃頓午餐才出發。 友人想吃泰菜，上網見到有人推介呢間「Thai 2.0」，據說餐廳係由泰北廚師主理，供應多款地道泰式美食，好適合同朋友開心 Share！餐廳位於愉景新城，店內空間寬敞，佔地約 2,700 呎，採用簡約開揚嘅設計，室內掛有盆栽作裝飾，再配襯牆上嘅壁畫，充分展現泰國椰林樹影嘅悠閒之感。朋友點咗泰式明爐烏頭 ($168)，而其他菜式就交由我發辦。元朗烏頭連埋火爐原條上檯，魚肉新鮮嫩滑，面頭鋪滿了香芹、肉碎和粉絲，再配搭以香茅、青檸、酸梅及辣椒等材料煮出嚟嘅湯，入口酸辣有層次，提鮮醒胃，《泰》有風味。泰式咸肉炒椰菜苗 ($80) 椰菜苗油潤翠綠，嫩身又爽口；脆炸腩肉味道亦啱啱好，鹹鹹香香，而且食落又唔會太肥膩，配搭入味又爽甜嘅椰菜苗，味道一流！另外仲點咗個泰式飯餐：香葉肉碎太陽蛋飯 ($68)，套餐奉送飲品，另外仲可以用優惠價追加小食。豬肉碎加咗豆角、紅椒同香葉一齊炒，食落好香口，鑊氣十足。太陽蛋有流心蛋黃，戳破半熟蛋，將蛋汁與飯粒及肉碎拌勻同吃，微辣滋味，讓人回味無窮。跟餐嘅泰式奶茶，味
友人想吃泰菜，上網見到有人推介呢間「Thai 2.0」，據說餐廳係由泰北廚師主理，供應多款地道泰式美食，好適合同朋友開心 Share！
餐廳位於愉景新城，店內空間寬敞，佔地約 2,700 呎，採用簡約開揚嘅設計，室內掛有盆栽作裝飾，再配襯牆上嘅壁畫，充分展現泰國椰林樹影嘅悠閒之感。
朋友點咗泰式明爐烏頭 ($168)，而其他菜式就交由我發辦。
元朗烏頭連埋火爐原條上檯，魚肉新鮮嫩滑，面頭鋪滿了香芹、肉碎和粉絲，再配搭以香茅、青檸、酸梅及辣椒等材料煮出嚟嘅湯，入口酸辣有層次，提鮮醒胃，《泰》有風味。
泰式咸肉炒椰菜苗 ($80) 椰菜苗油潤翠綠，嫩身又爽口；脆炸腩肉味道亦啱啱好，鹹鹹香香，而且食落又唔會太肥膩，配搭入味又爽甜嘅椰菜苗，味道一流！
另外仲點咗個泰式飯餐：香葉肉碎太陽蛋飯 ($68)，套餐奉送飲品，另外仲可以用優惠價追加小食。
豬肉碎加咗豆角、紅椒同香葉一齊炒，食落好香口，鑊氣十足。太陽蛋有流心蛋黃，戳破半熟蛋，將蛋汁與飯粒及肉碎拌勻同吃，微辣滋味，讓人回味無窮。
跟餐嘅泰式奶茶，味道亦唔錯，不會像港式茶走般甜膩，入口十分滑溜。小食香茅雞翼炸至金黃色，皮脆肉嫩，最啱用嚟過下口癮。
最後食埋個甜品，本來揀咗泰式千層糕，不過店員話未返貨，改點咗椰汁西米糕 ($34)。
嘩！一客 6 件，份量十足，而且味道非常討好，不但清甜軟滑，椰香味亦十分濃郁，配上底層嘅西米、粟米粒和芋頭，令口感更加豐富。
Post
