Video
Read full review
2021-05-11
109 views
今日我老公又帶我試新野😊今日我哋食呢間餐廳佢只係開張咗我諗大約一個月左右，因為我哋之前成日經過，位置係唔係太多人流既地方，望入去店舖好細不過裝修好特別，本身抱住試嘅心態都冇太大期望，但係原來都真係幾好味😋，我地未食完都會念再去呀😅呢間餐廳係採用左開放式廚房，好處可以睇住廚師手忙腳亂咁樣煮嘢食，確保唔會食物中毒😅😅食物處理過程應該會乾淨，食得放心🤪同埋確保食物係即叫即整👍🏽坐位就普通，同埋要坐高櫈，比較腳短既人可能會比較唔舒服🤣🤣餐具🍴同裝修都唔馬虎，睇落都算有有落到心機呀，值得讚👍🏽🍞叉燒炒蛋吐司餐 $82（+$15 可以轉咖啡☕️）跟炸薯條我揀咗叉燒味，本身佢仲有好多隻味，叉燒吐司就比較少見，於是我就揀黎試吓，佢本身個叉燒咬口都唔會好難咬斷，仲好Juicy,麵包烘得岩岩好，唔會太過燶，材料都好足，食落去好有層次感🤣，啲汁令到個包更加好食😋另外個餐巾咗薯條🍟，薯條就冇咩特別，但係一定好食過麥x佬，呢度嘅薯條比較粗身少少，同埋食落去唔會好林身既口感呀🥗巨石陣餐 $120呢個餐簡稱All Day
今日我哋食呢間餐廳佢只係開張咗我諗大約一個月左右，因為我哋之前成日經過，位置係唔係太多人流既地方，望入去店舖好細不過裝修好特別，本身抱住試嘅心態都冇太大期望，但係原來都真係幾好味😋，我地未食完都會念再去呀😅
呢間餐廳係採用左開放式廚房，好處可以睇住廚師手忙腳亂咁樣煮嘢食，確保唔會食物中毒😅😅食物處理過程應該會乾淨，食得放心🤪同埋確保食物係即叫即整👍🏽
坐位就普通，同埋要坐高櫈，比較腳短既人可能會比較唔舒服🤣🤣
餐具🍴同裝修都唔馬虎，睇落都算有有落到心機呀，值得讚👍🏽
🍞叉燒炒蛋吐司餐 $82
（+$15 可以轉咖啡☕️）
跟炸薯條
我揀咗叉燒味，本身佢仲有好多隻味，叉燒吐司就比較少見，於是我就揀黎試吓，佢本身個叉燒咬口都唔會好難咬斷，仲好Juicy,麵包烘得岩岩好，唔會太過燶，材料都好足，食落去好有層次感🤣，啲汁令到個包更加好食😋
另外個餐巾咗薯條🍟，薯條就冇咩特別，但係一定好食過麥x佬，呢度嘅薯條比較粗身少少，同埋食落去唔會好林身既口感呀
🥗巨石陣餐 $120
呢個餐簡稱All Day Breakfast ,超級豐富嘅全日早餐，因為佢有好多唔同款嘅配料，包括雞肉漢堡，英式腸仔，煙肉，煎菠蘿，煎薯茄，茄汁豆，沙律菜仲有一片丹麥吐司，睇到都知豐富，我覺得呢個價錢食到咁多嘢係非常之抵，所有嘢味道都好好個炒蛋炒得又香又滑，啲吐司本身從來唔食包嘅老公都食晒成個你就知幾好味，真係必推之選
☕️
Cappuccino
Iced Mocha
兩杯嘢飲都好好飲，兩杯都有靚靚嘅拉花🐱
快啲趁而家冇咁多人呢度有呢個餐廳要再試多次如果唔係下次應該要等好耐先有位，我入邊嘅座位唔算太多,一眼睇晒一條長方形大約我估計有20個位左右
提提大家如果怕熱嘅人最好坐頭尾嘅位置因為頭尾有冷氣比較勁啲，我哋坐中間就有少少熱😹
環境：👏🏻👏🏻👏🏻
食物：👏🏻👏🏻👏🏻👏🏻
服務：👏🏻👏🏻👏🏻
📍叁拾壹堂高烤吐司 (翠園大厦)
地址: 旺角窩打老道31-39號翠園大厦一期地下5號舖
Post
