Video
Read full review
2023-02-11
511 views
年少時，成日睇蕾、食日式放題。出嚟社會後，越嚟越少，逐漸將呢兩件事淡忘。最近先知蕾已經引退咗成年，19歲做到35歲。重溫舊時女神、workday又食咗次午市《極尚大喜屋》放題，嗰種美好同埋滿足返晒嚟。🤩少見多怪，估唔到午市嘅《極尚大喜屋》放題咁多人食。坐低落咗第一轉order之後，去自助區行一轉，即刻明白點解咁多人幫襯——花多眼亂，總有啱你食嘅嘢呀❗️淨係飲品都眼花撩亂。基本嘅樽裝茶、紙包飲品、各式罐裝汽水梗係走唔甩。意想不到嘅係，連啤酒都咁多款揀，而且唔係啲cheap cheap🦁威、藍🧊，藍係藍，但係藍妹，仲有嘉士伯同Asahi。啤酒唔啱飲？清酒、燒酒、梅酒又啱唔啱？鍾意養生啲咪飲熱羅漢果茶、熱菊花蜜同埋各款中式養生湯囉。日式放題來講，犀利嘅地方係有唔少中式熱葷，連酸菜魚同埋炆豬手都有。我就冇試啦，但係同行同事鍾意食豬手，可以話係豬手界嘅品嚐家，尤其鍾意鹹豬手，連佢都舉起隻手指公讚炆得軟稔又入味。主角刺身拼盤上枱，個擺盤一睇就覺得開胃，尤其係「三文魚刺身」以及「油甘魚刺身」，相當厚切，口感好full，食得好滿足。我最欣賞係佢嘅「帶子刺身」，雖然唔似三文魚同油甘魚咁厚切，但係味道相當清
年少時，成日睇蕾、食日式放題。出嚟社會後，越嚟越少，逐漸將呢兩件事淡忘。最近先知蕾已經引退咗成年，19歲做到35歲。重溫舊時女神、workday又食咗次午市《極尚大喜屋》放題，嗰種美好同埋滿足返晒嚟。🤩
少見多怪，估唔到午市嘅《極尚大喜屋》放題咁多人食。坐低落咗第一轉order之後，去自助區行一轉，即刻明白點解咁多人幫襯——花多眼亂，總有啱你食嘅嘢呀❗️
淨係飲品都眼花撩亂。基本嘅樽裝茶、紙包飲品、各式罐裝汽水梗係走唔甩。意想不到嘅係，連啤酒都咁多款揀，而且唔係啲cheap cheap🦁威、藍🧊，藍係藍，但係藍妹，仲有嘉士伯同Asahi。啤酒唔啱飲？清酒、燒酒、梅酒又啱唔啱？鍾意養生啲咪飲熱羅漢果茶、熱菊花蜜同埋各款中式養生湯囉。
日式放題來講，犀利嘅地方係有唔少中式熱葷，連酸菜魚同埋炆豬手都有。我就冇試啦，但係同行同事鍾意食豬手，可以話係豬手界嘅品嚐家，尤其鍾意鹹豬手，連佢都舉起隻手指公讚炆得軟稔又入味。
主角刺身拼盤上枱，個擺盤一睇就覺得開胃，尤其係「三文魚刺身」以及「油甘魚刺身」，相當厚切，口感好full，食得好滿足。我最欣賞係佢嘅「帶子刺身」，雖然唔似三文魚同油甘魚咁厚切，但係味道相當清新鮮甜，就好似19歲初出道嘅蕾咁清澀甜美，一試難忘，所以前後都encore咗三次。
食放題，唔知大家同唔同意，「芝麻炸雞翼」可以話係必食菜品，但好驚有啲放題店嘅炸雞翼預先炸起，上菜時已經凍咗，有啲又會炸得好鹹。不過，《極尚大喜屋》嘅炸雞翼冇以上問題，芝麻味仲相當香濃。
熟食嚟講，《極尚大喜屋》菜式，應該有嘅佢都有：各類串燒、炸物、壽司🍣、卷物等等。其他放題店冇嘅佢都有，令人驚喜，例如：鮑魚、紅燒乳鴿、炸蒜粉絲蒸帶子、燒鰻魚等等。
其中有一款，我哋一台四人一致話要翻啅嘅就係「窩蛋肥牛雜菜粉絲煲」。個醬油味香濃而不膩，無論你食肥牛、雜菜定係粉絲，全部都好索味同開胃。
尾段令我覺得一流嘅仲有「烤菠蘿」、「炸貓山王波波」。「烤菠蘿」唔酸已經好難得，但佢甜入心之餘，仲要勁多汁，啡we good。至於「炸貓山王波波」，外皮酥脆、內裡綿軟，而且榴槤味非常香甜濃郁，簡直就係食緊榴槤蓉咁，冇得彈。👍🏾
其實，呢兩樣嘢都令我好後悔🥲。「點解食飽晒last order先嚟試，想再三翻啅都已經嚟唔切！」😭如果個天俾個機會我食多一次，仲要為食「烤菠蘿」同「炸貓山王波波」 加1個時限，我希望食佢哋食足個半鐘。🤭
吖！其實唔使個天比俾機會，等到月頭個銀包俾機會我就得。😎
刺身拼盤
28 views
0 likes
0 comments
刺身拼盤
170 views
0 likes
0 comments
芝麻炸雞翼
18 views
0 likes
0 comments
窩蛋肥牛粉絲什菜煲
15 views
0 likes
0 comments
各款壽司卷物
11 views
0 likes
0 comments
各種傳銷和天婦羅
13 views
0 likes
0 comments
烤鰻魚
9 views
0 likes
0 comments
炸蒜粉絲蒸帶子
13 views
0 likes
0 comments
紅燒乳鴿
6 views
0 likes
0 comments
炆豬手
10 views
0 likes
0 comments
雪糕雪條
15 views
0 likes
0 comments
羅漢果茶和菊花蜜
9 views
0 likes
0 comments
Post
