Video
Read full review
2021-06-13
1381 views
呢間名煌金閣位於長沙灣天悦廣場地下，從門面驟眼睇落同一般小店無咩分別，內裡裝潢都算舒適順眼，環境幾潔淨，但重點係，其食物質素猶如其名，擺碟有落過心思，而且味道拍得住知名中菜廳，但價錢卻相當平民化，值得回頭再來。特色鮮沙薑煎雞 ($138): 這道菜並不是隨處可見，所以都有啲吸引左我眼球，大量鮮沙薑粒及蔥段炒至香味四溢，雞件煎至金黃微焦，肉汁被鎖在雞件入面，肉質仲幾嫩滑，味道幾濃郁，送飯一流。原籠荷香金銀蒜蒸龍躉球飯 ($168): 呢籠飯都幾大份，三人分享都綽綽有餘，整體十分出色，首先，黃金色嘅炒飯夠乾身，粒粒分明，真心炒得好；龍躉球份量超多，鮮味且肉嫩，魚肉以及飯粒都吸曬金銀蒜嘅味道，十分香濃入味。XO醬炒蝦球 ($168): 蝦球爽滑彈牙，非常鮮味，用XO醬炒更為惹味，其餘佐料有西芹、紅黃椒、雲耳及蔥段等等。生磨蛋白杏仁茶 ($32): 作為一款中式甜品，都算幾合我心意，口感極為幼滑，杏仁味香，濃而不澀，仲加入左蛋白增強口感，非常美味。
特色鮮沙薑煎雞 ($138): 這道菜並不是隨處可見，所以都有啲吸引左我眼球，大量鮮沙薑粒及蔥段炒至香味四溢，雞件煎至金黃微焦，肉汁被鎖在雞件入面，肉質仲幾嫩滑，味道幾濃郁，送飯一流。
原籠荷香金銀蒜蒸龍躉球飯 ($168): 呢籠飯都幾大份，三人分享都綽綽有餘，整體十分出色，首先，黃金色嘅炒飯夠乾身，粒粒分明，真心炒得好；龍躉球份量超多，鮮味且肉嫩，魚肉以及飯粒都吸曬金銀蒜嘅味道，十分香濃入味。
XO醬炒蝦球 ($168): 蝦球爽滑彈牙，非常鮮味，用XO醬炒更為惹味，其餘佐料有西芹、紅黃椒、雲耳及蔥段等等。
生磨蛋白杏仁茶 ($32): 作為一款中式甜品，都算幾合我心意，口感極為幼滑，杏仁味香，濃而不澀，仲加入左蛋白增強口感，非常美味。
Post
