Video
Read full review
2020-08-21
638 views
有次過嚟美孚探朋友，喺美孚新邨入面見到開咗間新嘅咖啡店，今日見冇嘢做又諗唔到去邊好，的起心肝過嚟望吓先😚其實美孚比較少靚仔嘅咖啡店，所以我都好有興趣去望下究竟係點嘅先，原來咖啡店係叫 The Planet，即係星球咖啡？咖啡店門口個招牌係用咖啡豆切出嚟嘅，都幾特別😍門口係木系嘅裝修，有兩塊大嘅玻璃，可以揀indoor或者outdoor用餐😊收銀處嘅位置有一個好大嘅星球，而店內裝修係幾文青☺️可惜一入到咖啡店，即刻聞到好大酸宿味，原來係侍應喺度食緊酸辣嘅食物，真係勁大陣味，所以我都即刻落完order就出去門口位置等食物送上。下午茶Menu都好多選擇，而且價錢都好合理，我叫咗煙三文魚牛油果🥑醬牛角包，配ice Americano🤟🏻 牛角包🥐都幾大件，不過烘得唔夠熱，煙三文魚細細件，放喺牛角包旁邊，再配上牛油果醬同埋沙律，整體味道中規中矩。Ice 🧊 Americano味道偏淡，其實一啲啡味都飲唔出，可以再濃郁啲😆The Planet美孚美孚新邨第五期蘭秀道2號地下N20 6A-B號舖
可惜一入到咖啡店，即刻聞到好大酸宿味，原來係侍應喺度食緊酸辣嘅食物，真係勁大陣味，所以我都即刻落完order就出去門口位置等食物送上。
下午茶Menu都好多選擇，而且價錢都好合理，我叫咗煙三文魚牛油果🥑醬牛角包，配ice Americano🤟🏻 牛角包🥐都幾大件，不過烘得唔夠熱，煙三文魚細細件，放喺牛角包旁邊，再配上牛油果醬同埋沙律，整體味道中規中矩。
Ice 🧊 Americano味道偏淡，其實一啲啡味都飲唔出，可以再濃郁啲😆
The Planet
美孚美孚新邨第五期蘭秀道2號地下N20 6A-B號舖
Post
