孖寶去骨海南雞 (Go Go Mall)

Open Now

Now Closed

我本身真係非常鍾意食海南雞飯，所以間唔時就食下，今次介紹嘅餐廳絕對係香港數一數二咁好食！🔻招牌海南雞套餐評分：🌕🌕🌕🌕🌕價錢：$62雞肉有油光之餘好嫰滑，雞皮下有啫喱膏，份量唔少亦重雞味；油飯充滿住濃濃嘅雞油香，飯粒分明煙軔有咬口，絕對拍得住東南亞地方嘅海南雞飯😋另外佢個湯絕對真材實料，飲到有少少嘅南瓜蓉，唔係味精湯黎，講起我都好想飲😹佢個套餐仲包左一碟份量十足嘅生菜，係多到一個人係食唔晒，如果兩個人去食，建議一個叫套餐，一個就咁海南雞飯就岩岩好👉🏻最後順帶一提，個油飯個人覺得屯門分店比元朗分店仲好食📍 孖寶去骨海南雞 (屯門)地址：屯門屯門鄉事會路112-140號雅都商場地舖