木船 (Closed)

同朋友有事嚟咗大埔，其實我哋都係第一次去，所以見到呢間泰國餐廳就行咗入去試。串燒雞柳配泰炒飯呢個泰式炒飯都ok好食，冇咩太大驚喜，反而個串燒雞柳好好食，佢個雞柳燒得好嫩，唔會好鞋，而且佢d醬汁同d雞好夾，下次如果有得單點一定會再叫。除咗叫咗個Lunch 我哋仲加錢叫咗個2個小食，單骨雞翼同埋魚餅，味道都唔錯，個人比較中意雞翼，炸得好香口。另外朋友叫咗個招牌湯河，佢d料超多，果然真材實料，而且超大碗，如果細食既女仔仲可以share，朋友話個湯底好正，而我試咗一啖，非常唔錯，好鮮甜，值得一試。