Fûhn (The L. Square) (Closed)

銅鑼灣駱克道the l square 一樓有一間越南河粉餐廳，開咗一段時間，前後都幫襯左三次了，水準依舊😋值得推介最近多咗一個維他命C增強飲品😂大家可以考慮吓另外多咗個好有心思嘅改變，就係可以同枱之間多咗一塊隔板，再用當然都係防止飛沫傳播。喺e方面值得加分🥰嚟到當然係食越南河粉啦！餐廳其實偏向美式越南菜，所以喺湯河方面有好多唔同嘅選擇。如果花多眼亂又貪心嘅你，我會建議你直接叫一個特式牛湯河。特式牛湯河 （$108）入邊基本上有晒香港人都會鍾意食嘅部份，包括越南生滾牛肉、牛坑腩、牛丸、牛筋片、牛腩邊、牛柏葉等等。非常之豐盛☺️。由於直接就係大碼，所以湯河一般都會夠飽。但係如果大食嘅你，就好似美國人咁樣，直接就叫加大啦！因為其實真係好壯觀，好多美國嘅節目都會專登走去食加大越南湯河。我都試過一次，非常過癮🤤食湯河真係會上癮，滑脫脫熱辣辣嘅湯河，可口美味，一口又接一口，香噴噴嘅牛肉味。香茅雞扒金邊粉香茅雞扒炸得非常之鬆脆，其實都係一個可以選擇嘅美食柚子蝦沙律（$98）沙律都唔去一次會叫嘅食物之一，因為成班朋友一齊食，有啲蔬菜分享係必要嘅。好多新鮮柚子，成個匙羹都係👀大蝦🦐