Video
Read full review
2023-07-17
268 views
餐廳位於蘇豪區伊利近街，由於有半山扶手電梯連接，唔會覺得太遠，中環街市過去都係大概五分鐘，還可接受。餐廳以藝術作為主題，牆壁掛滿不同畫作，不懂藝術嘅我純粹覺得幾靚幾有特色，打下卡都真心唔錯。餐廳售多國菜，幾有Fusion感覺，而蘇豪區嘅餐廳售酒及Cocktail也是必須的，Happy Hour都幾Chill......Yakult Martini ($118): 即使Base係Martini，但由於加左乳酸飲品，呢款Cocktail口味偏甜，就好似加左酒味嘅益力多，酒精味道唔會太重，唔會有Martini果種Dry或澀味。Beef Taco ($98/2 pcs): 墨西哥香辣牛肉餅，除左香辣牛肉，仲有紅洋蔥及香菜，再加多少少青檸汁，口味酸甜帶辣，肉碎味濃，非常惹味。Hamachi Ceviche ($198): 青檸汁醃油甘魚，係一款傳統嘅墨西哥菜，微酸帶甜嘅青檸汁拌油甘魚、青瓜，以及紅洋蔥等等，口味清新Refreshing，係一款唔錯嘅特色開胃菜。Mac Daddy and Cheese ($98): 令人又愛又恨，既邪惡(高熱量)，但又極為美味嘅選擇，表面有一層金黃酥脆嘅芝士，再加
餐廳以藝術作為主題，牆壁掛滿不同畫作，不懂藝術嘅我純粹覺得幾靚幾有特色，打下卡都真心唔錯。餐廳售多國菜，幾有Fusion感覺，而蘇豪區嘅餐廳售酒及Cocktail也是必須的，Happy Hour都幾Chill......
Yakult Martini ($118): 即使Base係Martini，但由於加左乳酸飲品，呢款Cocktail口味偏甜，就好似加左酒味嘅益力多，酒精味道唔會太重，唔會有Martini果種Dry或澀味。
Beef Taco ($98/2 pcs): 墨西哥香辣牛肉餅，除左香辣牛肉，仲有紅洋蔥及香菜，再加多少少青檸汁，口味酸甜帶辣，肉碎味濃，非常惹味。
Hamachi Ceviche ($198): 青檸汁醃油甘魚，係一款傳統嘅墨西哥菜，微酸帶甜嘅青檸汁拌油甘魚、青瓜，以及紅洋蔥等等，口味清新Refreshing，係一款唔錯嘅特色開胃菜。
Mac Daddy and Cheese ($98): 令人又愛又恨，既邪惡(高熱量)，但又極為美味嘅選擇，表面有一層金黃酥脆嘅芝士，再加上香濃芝士醬汁，每一口通心粉都充滿芝香，十分奶滑美味。
Fried Chicken ($158): 雞件無骨，酥香可口，肉汁澎湃，咬落去爆曬汁，醬汁惹味，口味微辣。
Post
