Video
Read full review
2024-02-22
2865 views
餐廳主打和牛燒肉，選肉對得上其定價，但呢個索價會比較希望職員會幫我地燒肉，或者俾啲建議我地燒各款肉要留意既事項，再位於中環擺花船附近，地理位置唔算太方便，扣左少少分～🥢蘿蔔泡菜🍣海膽西冷牛肉卷滿足感爆曬棚🥰嫩紅既和牛刺身，軟綿綿無筋，配上新鮮既海膽，味道方面配搭得天衣無縫。濃郁既油脂同順滑既海膽完完全全無違和感！如果唔係顧及到荷包，真係想encore多幾件！🥢鹽醬厚切牛舌一碟三大件厚切牛舌👅嫩粉紅既肉肉砌成心狀，上面撒滿大量黑胡椒。燒既時候上下燒至微微焦香，再燒一燒內層至變色，入口外脆內軟，有咬口得黎又唔會過韌，筆墨形容唔到有幾幸福，第二啖就會感覺到肉汁爆發，再點小小檸檬汁，解膩又開胃🫶🏻🥢A5和牛稀少部分盛合350g員工係上菜前會逐一介紹每款適合配搭既醬汁，並且會俾一張部位圖記錄低我地會食到既部位，亦會清晰標示肉屬於赤身抑或霜降。和牛由上而下左而右分別係牛前胸肉同牛三角，牛肩胛，西冷，牛柳，臀肉同後腿肉。每款肉都好高質，個人比較偏好肉感紮實啲既部位，其中既臀腿肉味係口腔大爆發，雖然以薄切呈現，但肉汁一啲都唔輸蝕，入口結實無筋。牛柳都表現得毫不遜色，切得好厚身，入口出奇地嫩滑，雪花分布
🥢蘿蔔泡菜
🍣海膽西冷牛肉卷
滿足感爆曬棚🥰嫩紅既和牛刺身，軟綿綿無筋，配上新鮮既海膽，味道方面配搭得天衣無縫。濃郁既油脂同順滑既海膽完完全全無違和感！如果唔係顧及到荷包，真係想encore多幾件！
🥢鹽醬厚切牛舌
一碟三大件厚切牛舌👅嫩粉紅既肉肉砌成心狀，上面撒滿大量黑胡椒。燒既時候上下燒至微微焦香，再燒一燒內層至變色，入口外脆內軟，有咬口得黎又唔會過韌，筆墨形容唔到有幾幸福，第二啖就會感覺到肉汁爆發，再點小小檸檬汁，解膩又開胃🫶🏻
🥢A5和牛稀少部分盛合350g
員工係上菜前會逐一介紹每款適合配搭既醬汁，並且會俾一張部位圖記錄低我地會食到既部位，亦會清晰標示肉屬於赤身抑或霜降。
和牛由上而下左而右分別係牛前胸肉同牛三角，牛肩胛，西冷，牛柳，臀肉同後腿肉。每款肉都好高質，個人比較偏好肉感紮實啲既部位，其中既臀腿肉味係口腔大爆發，雖然以薄切呈現，但肉汁一啲都唔輸蝕，入口結實無筋。牛柳都表現得毫不遜色，切得好厚身，入口出奇地嫩滑，雪花分布平衡，唔會過於膩口。不得不提既係牛三角，每隻牛牛都只有兩塊，非常之珍貴，食落滿口充斥油脂味，食第一啖既時間好驚艷，之後就有小小飽足感🙈
🥢特選和牛赤身肉
赤身肉先用醬汁醃製過，再用火燒爆香，油香逼人，燒至五成熟入口即溶，唔需要過多咀嚼，口感一流！
🥢和牛崩沙腩
崩沙腩屬於比較稀少部位，即係我地通常稱呼既橫隔膜！肉色偏深紅既肉肉，牛脂份佈均勻，廚師先行用醬汁醃製過，燒完入口軟腍，而且肉味非常突出濃郁，質感又比其他部位來得細膩。
🥢柚子胡椒日本產雞腿
嫩滑既雞腿肉撒滿柚子同胡椒，味道帶微微辣口同清爽，雞腿🍗燒到皮脆肉嫩，口感好開胃。食左好多重味重油脂既和牛，中間黎一個清新既雞肉作為休場，消下滯。
🥢298冷麵
正正常常發揮既水冷麵，上面放左兩塊烚牛脷，韓式泡菜，一粒水煮蛋同紫菜作為配料，冷麵汁味道帶些微酸，食落都幾清新，冷麵份量大份啲會更好！
🥢粟米芝士煎餅
📍298 Nikuya Room
中環士丹利街60號明珠行2樓
Post
