家嫂 (Closed)

呢一間家嫂平時主打蒸氣火鍋放題，雞煲等。但係午市佢推出好多特色午市套餐，CP值最高最抵食就係呢個自選粉麵套餐😍😍有六款湯底可以選擇，包括家嫂酸湯、芫茜皮蛋湯、馬來喇沙湯、蕃茄濃湯、艇家蝦湯及蕃茄麻辣湯🤩另外麵底可以揀米線、烏冬、粉皮等。💂🏻‍♀️《炸雞翼花膠件鮮魚蛋酸湯讚岐烏冬》$48個家嫂酸湯好香濃，湯底超濃郁，唔會話太酸，好啱兵仔口味😋雞翼炸到好香脆，花膠份量都好多有三大嚿，仲要好入味。鮮魚蛋都好彈牙，仲有好多生菜及其他配料！成個粉面好豐富一定夠飽。🍲評分: 85/100💂🏻‍♀️《炸雞翼雪花牛肉松露墨魚丸讚岐烏冬》$48如果係食肉獸嘅你，呢個餐就啱哂你😍有炸雞翼同埋分量好多嘅雪花牛肉，松露墨魚丸好香松露味，喺出面啲餐廳好少食到呢隻丸！🍥今次呢個係嗌咗艇家蝦湯🦐呢個湯一定要必叫，好濃鮮蝦湯味，飲得出係真材實料咁熬，飲咗大半碗都唔會口渴。評分: 90/100💂🏻‍♀️《竹蔗茅根蜜冬水》每個粉面套餐都可以揀杯特飲，有羅漢果山楂茶、蘋果雪梨茶、紅棗圓肉杞子茶、竹蔗茅根蜜冬水等養生飲品！齋飲呢杯飲品已經回本。🍵評分: 80/100頒發軍階：上將🎖🎖🎖🎖