Video
Read full review
2022-03-21
283 views
9 0 後 的味 蕾.行過舖頭門口，被門口店員一句：「全港首創以「腐乳」為主題既特色餐廳」吸引左，仲要店員勁熱情咁同街坊打招呼，感覺到呢間餐廳好有人情味，就一於試吓佢咩料。.一入去，員工已經好殷勤招待，又好細心介紹菜單，成個感覺好親切，幾耐冇喺香港搵到呢啲舖頭，如果我喺附近住，應該會每星期落嚟打躉🙊.簡而精Comments:✅全店員工充滿熱誠，人情味好濃郁✅創新「腐乳」菜式同飲品非常夾同好味✅突破傳統「腐乳」形象✅小店裝飾別具意義，睇到好多個故事.「腐乳」永遠俾人印象就係炒通菜😂，從來冇諗過佢可以拎嚟煮西式嘅嘢食，仲要癲到攞嚟沖咖啡☕️，但係就係咁神奇比佢哋「化腐乳為神」，配搭出嚟係超好味！.重點推介：🪄 椒絲腐乳卡邦尼意粉⚠️必試⚠️ ：卡邦尼入邊Creamy甜散發住「腐乳」既咸香，「腐乳」唔會過分濃郁，甜咸取得平衡，重點係整體味道層次level up，食過好想再返尋味！.🪄流白 （腐乳Expresso Tonic)⚠️必試⚠️全香港應該得呢一間識整，第一啖係EXPRESSO Tonic，以為冇乜特別，點知隨後有淡淡既「腐乳」鹹香味，但味道唔會太重，仲要係最後停留舌尖嘅味道，真係超特別，勁好飲
.
行過舖頭門口，被門口店員一句：「全港首創以「腐乳」為主題既特色餐廳」吸引左，仲要店員勁熱情咁同街坊打招呼，感覺到呢間餐廳好有人情味，就一於試吓佢咩料。
.
一入去，員工已經好殷勤招待，又好細心介紹菜單，成個感覺好親切，幾耐冇喺香港搵到呢啲舖頭，如果我喺附近住，應該會每星期落嚟打躉🙊
.
簡而精Comments:
✅全店員工充滿熱誠，人情味好濃郁
✅創新「腐乳」菜式同飲品非常夾同好味
✅突破傳統「腐乳」形象
✅小店裝飾別具意義，睇到好多個故事
.
「腐乳」永遠俾人印象就係炒通菜😂，從來冇諗過佢可以拎嚟煮西式嘅嘢食，仲要癲到攞嚟沖咖啡☕️，但係就係咁神奇比佢哋「化腐乳為神」，配搭出嚟係超好味！
.
重點推介：
🪄 椒絲腐乳卡邦尼意粉⚠️必試⚠️ ：卡邦尼入邊Creamy甜散發住「腐乳」既咸香，「腐乳」唔會過分濃郁，甜咸取得平衡，重點係整體味道層次level up，食過好想再返尋味！
.
🪄流白 （腐乳Expresso Tonic)⚠️必試⚠️
全香港應該得呢一間識整，第一啖係EXPRESSO Tonic，以為冇乜特別，點知隨後有淡淡既「腐乳」鹹香味，但味道唔會太重，仲要係最後停留舌尖嘅味道，真係超特別，勁好飲！自問有咖啡師證書，識沖Expresso Tonic，但係真係唔識整腐乳🙈！
.
🪄南乳炸雞球配薯條
雞球細細舊但嫰滑，咬落去入邊仲鎖住咗肉汁，但係個重點都係個南乳醬🤤，唔會過鹹，令到好開胃，點完又想再點，點解可以整得咁好食，唯一一樣可以改善係個薯條太幼，令到好多油。
.
🪄三文魚牛油果酸種麵包
酸種麵包心軟皮脆，自家制健康，最好味嘅地方係佢中間加咗cream cheese，將麵包食材融為一體，一啖食到3種口感同味道，非常聰明嘅配搭。
.
🪄潤肺茶
茶同包裝一樣，簡潔清甜，滲出淡淡清香，明明凍飲，但入到喉嚨好舒服，真係有一種滋潤嘅感覺。
.
🪄腐乳醬沙律
食齋嘅朋友唔使擔心，你一樣可以享受到「腐乳」味道嘅沙律醬，輕輕嘅鹹香味黏附住爽脆嘅沙律菜，fresh得嚟又惹味。
.
🪖我帶返個頭盔先，我並唔係「腐乳」愛好者，但係呢間餐廳我真係會比滿分💯，價錢唔貴之餘，菜式好特別，仲係會令人回味，推薦👍🏻
.
見我呢篇食評打到咁長，就知真係好好食😂，題外話，店舖裝飾都幾特別，牆身掛咗好多畫，啲畫係每一個店員嘅故事，最搞笑係佢個廁所🚽，真係打卡景點，自己去睇相啦📸！
Post
