金西南米線

Open Now

Now Closed

以前讀書時期，返PartTime搵嘅錢有限，於是除左帶飯之外，就唯有食米線做lunch，平夾大碗啊嘛～大個左，久唔久都會好掛住米線，唔食唔舒服咁。以前好鐘意食某兩間連鎖米線店，慢慢覺得佢啲味精太咸，食得多都驚生腎石，於是乎我慢慢開始轉食小店。今次去位於銅鑼灣嘅平民米線－金西南米線。對於有得揀餸嘅米線或車仔面，我都會揀蘿蔔，因為蘿蔔索曬啲湯。其實今次除咗嗌蘿蔔之外仲有嗌咗腩肉同牛肝菌，腩肉就正常水準，但牛肝菌...我就唔係好識欣賞。湯底嗌左麻辣湯中辣，佢嘅麻辣湯真係唔係敷衍你，堅係辣！一碗三餸米線加豆漿 埋單$50幾蚊，係銅鑼灣邊到搵丫仲？