Fable

Open Now

Now Closed

今日係同事生日，去左公司附近新開咗一排嘅法國餐廳慶祝，其實唔係喺IG見到介紹都唔知道呢一間係食法國菜，因為佢間舖頭係後巷（以為係酒吧！），其實入到去環境幾好，又乾淨服務都唔錯，我哋每人叫咗一個set，share一齊食套餐句括前菜、湯、主菜同埋甜品（甜品唔記得影），「酥炸雞條配蜜糖芥末醬」雞條酥脆個醬汁好明顯係廚師特別調校，好味！「吞拿魚牛油果他他」擺盤好靚，味道清新好好食，「慢煮24小時龍蝦湯」唔使加錢就有龍蝦湯，唔係果啲假嘅水溝麵粉湯，好好味（如果再大碗少少就好啦！）「手撕牛頰肉醬手工寬意粉」未嚟嘅時候仲諗住會係啲肉醬，點知一放上嚟枱面原來係一絲絲嘅牛肉，麵條煮得啱啱好，個牛嫩滑，醬汁唔會太鹹非常之易入口（呢個真心推薦！）「法式青口煲 配薯條」 青口普通有少許爛，但係汁醬埋薯條都做得好好食！「美國西冷牛扒薯條」西冷扒煮得啱啱好牛扒香濃有肉汁，唔會嚡熠熠做得好好！「Tiramisu」我覺得呢個係全個餐最好食。總括呢間餐廳好抵食，特別要提佢哋做嘅醬汁做得好出色。PS：我係自費餐廳冇俾到優惠食架！