Video
Read full review
2024-06-15
506 views
Cafe風格，環境唔錯樓底高，門口完全冇餐牌，之前都見好多人，今次見幾多位就勇敢一次行入去。一入去就問佢囉menu，但侍應俾QR我。。。算係多嘢食款，但見到有+1即刻冇晒癮，諗住係cafe風格，而且喺呢個屋邨小型商場開間餐廳都加一就幾意料之外。望住menu都有啲滴汗，價錢絕對唔平，好多挨近兩舊水。咖啡款式好少，手沖又冇，咁可能唔係coffee cafe係餐廳cafe。點咗【檸檬蕃茄醬雞肉千層麵】$203，仲有其他topping加$但基於主菜已咁嘅價錢就免喇。Lunch set 原來只係可以用半價叫野飲（冇前菜），就咁睇啲價錢初初唔知咩叫lunch set，問員工先知原來飲品係平咗，點咗【薑母熱茶】$25。睇返飲品原價竟然$48，雖然足料（薑片．龍眼．杞子），但只係用雀巢透明咖啡雙層杯嘅容量，呢個原價至少要俾大杯啲啦...主菜賣相非常好，直頭好過味道，蕃茄醬汁夠杰呈淺色似乎加咗好多creamy嘢，加埋檸檬汁酸魅魅開胃嘅，千層麵中規中矩，有夾啲菠菜，雞肉存在感就頗低。所以呢碟嘢就賣相好過味道，醬汁份量極充裕，食完仲剩好多汁有啲浪費，真係想再用嚟撈飯食，用咁多汁，不如加大啲主菜好過。嘢食唔係
一入去就問佢囉menu，但侍應俾QR我。。。
算係多嘢食款，但見到有+1即刻冇晒癮，諗住係cafe風格，而且喺呢個屋邨小型商場開間餐廳都加一就幾意料之外。
望住menu都有啲滴汗，價錢絕對唔平，好多挨近兩舊水。咖啡款式好少，手沖又冇，咁可能唔係coffee cafe係餐廳cafe。
點咗【檸檬蕃茄醬雞肉千層麵】$203，仲有其他topping加$但基於主菜已咁嘅價錢就免喇。Lunch set 原來只係可以用半價叫野飲（冇前菜），就咁睇啲價錢初初唔知咩叫lunch set，問員工先知原來飲品係平咗，點咗【薑母熱茶】$25。
睇返飲品原價竟然$48，雖然足料（薑片．龍眼．杞子），但只係用雀巢透明咖啡雙層杯嘅容量，呢個原價至少要俾大杯啲啦...
【 檸檬蕃茄醬雞肉千層麵 】
$203
12 views
0 likes
0 comments
主菜賣相非常好，直頭好過味道，蕃茄醬汁夠杰呈淺色似乎加咗好多creamy嘢，加埋檸檬汁酸魅魅開胃嘅，千層麵中規中矩，有夾啲菠菜，雞肉存在感就頗低。
所以呢碟嘢就賣相好過味道，醬汁份量極充裕，食完仲剩好多汁有啲浪費，真係想再用嚟撈飯食，用咁多汁，不如加大啲主菜好過。
嘢食唔係唔好，屬正正常常，但呢間餐廳CP值真係奇低！呢度可能真係食賣相打卡。
其實有啲想俾「Sad」評，但叫做冇發生惡劣態度或特別差嘅食物咁都仲算「OK」嘅，不過真係勁唔抵嚟囉，冇下次喇〜
喺呢條邨走呢種價錢路線實在令人費解，真係夠晒特別。
Other Info. :
▶︎ 收加一但掃QR落單（冇俾wifi)、冇水飲、自己去埋單、冇得碌卡。要補充嗰句就係如題⬆︎《低CP值的西餐》
(The above review is the personal opinion of a user which does not represent OpenRice's point of view.)
Post
