Video
Read full review
2020-05-23
1276 views
有一種愛叫佛系，唔需要渴求、唔需叫春、唔需要為在乎對方感受、唔需要刻意討好而講好多花言巧語。或者就係經常口中所謂既自由，好多人話呢種心態既人其實內心一樣會寂寞，寂寞？對佢地黎講，完全係碎料黎，做個背包俠，無牽無掛，拎起個袋隨時行得，想去邊就去邊，不知幾爽。不過而家咁既環境，想周圍飛都唔得。不如去西環Chill下，黎呢間來自高雄過江龍既「五斗米」，感受一下最地道正宗既台灣菜，我當去左旅行囉！👇📌麵 食 -▪ 麻辣牛肉麵 - $60▪ 原汁牛肉麵 - $60▫ 先黎兩碗招牌台式牛肉麵，佢有分原汁或者麻辣味，咁我兩條友一於試哂兩隻味啦。原汁果碗湯底濃香甘甜，牛肉食落質感腍滑入味，麵條掛湯軟硬適中，掛滿湯汁特別惹味；而麻辣湯底比我想像中無咁辣，幾易入口，而且濃厚得黎又唔覺有重味精感，原汁原味；牛肉亦都一樣啦，食落夠嫩滑，唔會有韌既口感，認真食得過！📌特 色 小 食 -▪ 玉米起司蛋餅 - $38▫ 蛋餅亦係必試之一，佢地既蛋餅都係即叫即整，上枱已經感覺蛋味十足，完全係"賣飛彿"呀。芝士同玉米兩者配搭非常夾，芝士夠濃香，而玉米夠香口；外層就鬆脆，果然夠正宗呀！📌炸 物 -▪ 鹽酥雞 - $30▫
唔需要刻意討好而講好多花言巧語。或者就係經常口中所謂既自由，
好多人話呢種心態既人其實內心一樣會寂寞，寂寞？對佢地黎講，
完全係碎料黎，做個背包俠，無牽無掛，拎起個袋隨時行得，想去邊就去邊，
不知幾爽。不過而家咁既環境，想周圍飛都唔得。不如去西環Chill下，
黎呢間來自高雄過江龍既「五斗米」，感受一下最地道正宗既台灣菜，
我當去左旅行囉！👇
📌麵 食 -
▪ 麻辣牛肉麵 - $60
▪ 原汁牛肉麵 - $60
▫ 先黎兩碗招牌台式牛肉麵，佢有分原汁或者麻辣味，咁我兩條友一於試哂兩隻味啦。
原汁果碗湯底濃香甘甜，牛肉食落質感腍滑入味，麵條掛湯軟硬適中，掛滿湯汁特別惹味；
而麻辣湯底比我想像中無咁辣，幾易入口，而且濃厚得黎又唔覺有重味精感，原汁原味；
牛肉亦都一樣啦，食落夠嫩滑，唔會有韌既口感，認真食得過！
📌特 色 小 食 -
▪ 玉米起司蛋餅 - $38
▫ 蛋餅亦係必試之一，佢地既蛋餅都係即叫即整，上枱已經感覺蛋味十足，
完全係"賣飛彿"呀。芝士同玉米兩者配搭非常夾，芝士夠濃香，而玉米夠香口；
外層就鬆脆，果然夠正宗呀！
📌炸 物 -
▪ 鹽酥雞 - $30
▫ 我諗每個人食台灣菜人唔會唔食鹽酥雞掛？呢個炸到金黃香脆不得只，
外面脆卜卜，裡面雞肉仲非常juicy，而且鹹香味相當濃郁，
用黎襯返珍奶既口感就fit哂。
📌甜 品 -
▪ 九份芋圓 - $32
▫ 唔知大家會唔會特別對某樣野食有偏好呢？而我就對芋圓情有獨鍾，
每次食台灣野都係必點既。而呢到既九份芋圓配料十足，
芋圓軟硬度岩岩好，口感煙韌；唔錯。
▪ 黑糖仙草奶凍 - $32
▫ 仙草凍夠哂涼爽，珍珠又夠Q彈，
唔會太甜，係呢d天氣整返碗真係即刻爽哂！
📌台 式 飲 品 -
▪ 珍珠奶茶 - $23 (凍)
▪ 蜂蜜檸檬愛玉凍 - $23 (凍)
▫ 最後當然整返杯珍珠奶茶啦，夠哂凍之餘甜度仲岩岩好，又夠幼香，唔錯；
而愛玉凍色澤透光，質感爽滑，呢種口感真係好過癮！
Post
