Video
Read full review
2017-03-28
203 views
再一次偶遇嘅情況下嚟到堅尼地城，一直都知呢個地方有好多唔同菜式嘅餐廳，以及酒店，但晏時間要搵一間有特式或者多人推薦嘅，就真係不知從何入手，最終憑「感覺」（其實即係睇舖名）而入咗嚟呢間越南餐廳。入到嚟餐廳都有7成坐滿，信心加強，侍應好努力咁向我地推介嘢食，有問我地想吃清淡定濃味啲，從而選擇啲頭盤、主菜等食物，晌佢悉心照料下，我地都有聽從佢意見...頭盤我地叫咗芝士牛油果酥炸軟殻蟹米卷，個人本身都軟殻蟹情有獨鍾，而佢炸的好香口但唔油膩，配合埋牛油果仲有種fresh嘅感覺添，就算有埋芝士都無滯住滯住，gd另外食越南嘢又點少得食粉呀，一係唔叫，大家都決定叫個最足料嘅火車頭，包晒咁多種牛：肥牛、牛腩、牛柏葉、牛丸、牛根等，最令我印象深刻喺佢地個牛腩，唔係平時我地吃粉麵或者咖哩飯嗰啲咁，佢整件牛腩嚟煮，不過食落一啲都唔韌，咬落口有口感而易咬口，顯然啲師父晌火喉方面做得好好，值得一讚不過講到最特別嘅，都非越南乳豬仔莫屬，我地叫咗1/4份量，先喺個乳豬皮好脆口，而食落佢嘅特別之處在於個皮同肉好容易分開，同埋個乳豬肥膏唔多，唔會有啖啖油感覺。另外乳豬配搭咗一碟醬，個醬味道都特別，酸酸甜甜，從未試過用嚟「
入到嚟餐廳都有7成坐滿，信心加強，侍應好努力咁向我地推介嘢食，有問我地想吃清淡定濃味啲，從而選擇啲頭盤、主菜等食物，晌佢悉心照料下，我地都有聽從佢意見...頭盤我地叫咗芝士牛油果酥炸軟殻蟹米卷，個人本身都軟殻蟹情有獨鍾，而佢炸的好香口但唔油膩，配合埋牛油果仲有種fresh嘅感覺添，就算有埋芝士都無滯住滯住，gd
另外食越南嘢又點少得食粉呀，一係唔叫，大家都決定叫個最足料嘅火車頭，包晒咁多種牛：肥牛、牛腩、牛柏葉、牛丸、牛根等，最令我印象深刻喺佢地個牛腩，唔係平時我地吃粉麵或者咖哩飯嗰啲咁，佢整件牛腩嚟煮，不過食落一啲都唔韌，咬落口有口感而易咬口，顯然啲師父晌火喉方面做得好好，值得一讚
不過講到最特別嘅，都非越南乳豬仔莫屬，我地叫咗1/4份量，先喺個乳豬皮好脆口，而食落佢嘅特別之處在於個皮同肉好容易分開，同埋個乳豬肥膏唔多，唔會有啖啖油感覺。另外乳豬配搭咗一碟醬，個醬味道都特別，酸酸甜甜，從未試過用嚟「點」乳豬，之不過食落口又好夾，吸引到令我特登問侍應個醬叫咩名，原來先知喺佢地特製嘅「奇妙醬」，實在好奇妙...如果都係怕油仲可以夾麵包食添
飲品方面佢地麵好多特別嘢，原本好想試咖啡，之不過夜晚怕瞓唔著，於是叫埋薄荷香茅茶。初嘗香茅茶感覺入口有少少甜甘味，加埋薄荷葉味道層次更多，薄荷味較濃但香茅味無太受影響，算喺幾特別飲品
友人同我吃完都非常滿足，為咗想試呢到嘅咖啡，定必會再幫襯
Post
