Daddyos (Closed)

因為之前食過，所以上星期相約幾個朋友再黎呢到食。唔知係米轉左手，服務態度其差，真係嬲到唔可以唔係到share比大家。我比錢黎食飯，只係換黎一句「小姐，你依家唔可以叫野食?!」由於好耐無幫襯，原全唔知佢地係有時間限制。我book星期五，所以早成個星期訂枱book 7:30，當時無人同我提及呢d條款。到左食飯果日下午5點左右，一個語氣唔好既男仔打黎re-confirm，我只係同佢講左2、3句，話佢知6個改4個，之後就收左線。由我到達、order至到食野，都仍然無人同我提及呢d條款，直至20分鐘後，先有一個女侍應同我地講要8:30交枱。我當然同佢講我從來無聽過啦，之後佢就同另一個男待應細細聲講左一陣，但係完全無回應。又過左20分鐘，即8:10當我要再order既時候，男待應只係黎講左一句「小姐，你依家唔可以叫野食?!因為你8:30要交枱。」真可笑，我只係order多6隻雞翼，點解要reject呢? 唔通呢個侍應覺得我地3個人要將呢6隻雞翼食成3個鐘?! 8:30交番張枱出黎又點呢? 根本無人入黎食!! 今時今日呢d咁既「零回應」同埋「串嘴」態度，唔單止令到無左一枱客，仲影響晒成間餐廳既聲譽。