Video
Read full review
2014-09-21
3101 views
同老公的屋企人食飯，平時多數到黃埔新天地食，一來大家都住該區，二來唔駛等位。不過老爺只食中菜，黃埔區的酒樓都食勻而且重複多次，真係有啲悶，於是便試下去尖沙嘴搵嘢食。在朋友介紹下，便到了北京老家。一入到去，裝修很有心思，切連電梯門都是配合主題的。最鍾意係一出電梯那個位置，放了些農家風味擺設。我們隨便點了些菜，首先是糖醋排骨（$118）。忘記拍照，糖醋味香甜，排骨細細件不會吃得很狼狽。個汁好好送飯！柚子魚（$288）。平時食京滬菜，多數食松子魚。柚子魚就第一次食，真係正！魚好滑，炸得來唔會好炸，柚子酸酸甜甜，好清新。平時不太愛吃魚的我也吃了好多。上湯地瓜苗（$96）。個湯好好味，唔知有無落味精，不過食完又無口乾喎。地瓜苗之外遇有秀珍菇，算豐盛。鍋貼六粒（$75）。初頭一睇以為是蒸，夾起來才發現個底係煎過的，挺不錯，唔會成隻煎到好熱氣。個鍋貼唔係埋口，兩端是開口的，幾特別，不過咁咪鎖唔到肉汁？半隻填鴨（$198）。隻鴨不太肥，薄飯不會很厚很漏。拔絲士多啤梨（$88）。其他菜都上得好快，唯獨呢味好耐先上，等到差點不耐煩。不過呢味好驚喜。我十幾年前響北京讀過course，那陣子成日去食拔絲，但在
一入到去，裝修很有心思，切連電梯門都是配合主題的。最鍾意係一出電梯那個位置，放了些農家風味擺設。
我們隨便點了些菜，首先是糖醋排骨（$118）。忘記拍照，糖醋味香甜，排骨細細件不會吃得很狼狽。個汁好好送飯！
柚子魚（$288）。平時食京滬菜，多數食松子魚。柚子魚就第一次食，真係正！魚好滑，炸得來唔會好炸，柚子酸酸甜甜，好清新。平時不太愛吃魚的我也吃了好多。
上湯地瓜苗（$96）。個湯好好味，唔知有無落味精，不過食完又無口乾喎。地瓜苗之外遇有秀珍菇，算豐盛。
鍋貼六粒（$75）。初頭一睇以為是蒸，夾起來才發現個底係煎過的，挺不錯，唔會成隻煎到好熱氣。個鍋貼唔係埋口，兩端是開口的，幾特別，不過咁咪鎖唔到肉汁？
半隻填鴨（$198）。隻鴨不太肥，薄飯不會很厚很漏。
拔絲士多啤梨（$88）。其他菜都上得好快，唯獨呢味好耐先上，等到差點不耐煩。不過呢味好驚喜。我十幾年前響北京讀過course，那陣子成日去食拔絲，但在香港好耐無食過，已經忘記什麼是拔絲了。女兒很喜歡吃士多啤梨，一見到就嚷著要吃，我見士多啤梨被厚糖封住，諗住好似「冰糖葫蘆」咁，好硬的，唔諗住俾佢食。點知我一咬落去，帶芝麻的冰糖好香甜，又脆，但裏面的士多啤梨係微暖同埋好甜好淋，於是我拿了一粒，撥開表面的冰糖給女兒吃，她開心到不得了。老爺以前多次到北京出差，他邊吃邊說：「就是這種味道，以前在北京就是吃這種味道！」十分欣賞，好開心佢老人家鍾意。菜牌上很多道菜我們都想試，下次一定再來食過！
Post
