Video
Read full review
2005-08-18
18 views
大概係兩年前既夏天, 偶然下光顧「燒鳥」呢間日式小鋪, 今日再去, 離結業重有三日, 一切如舊, 日本老闆仍然係咁落力, 一個人做到身水身汗, 店內仍係播放日本MV, 唯一唔同係今日木檯變得油淰淰, 同廚房門口漏水, 不過我一早就知道, 並無介意.最後一次係度食lunch, 叫左串燒飯, 另加鹽燒鰻魚同餃子雞翼.串燒飯有四串串燒, 包括雞翼, 雞軟骨, 多春魚同冬菇, 全部係鹽燒, 雞翼味道一般, 其餘三樣幾好, 雞軟骨並非港式做法, 多春魚同冬菇燒得幾香, 而飯竟然用上珍珠米, 附送既麵豉湯超咸, 但整體上真係極抵食.鹽燒鰻魚變左汁燒, 鰻魚肉幾甜但燒汁咸左D.最後既餃子雞翼, 都係汁燒, 不過無咁咸, 個封口好靚, 幾好味可惜隻雞翼尖燒過火, 不過都係水準之作.串燒幾有水準, 真正日式小店風味, 加上結業前價格下調答謝顧客支持, 唔介意環境既話, 非常抵食.「可惜這個城市裡, 從今找不到你...」, 今後日本師傅何去何從呢??
最後一次係度食lunch, 叫左串燒飯, 另加鹽燒鰻魚同餃子雞翼.
串燒飯有四串串燒, 包括雞翼, 雞軟骨, 多春魚同冬菇, 全部係鹽燒, 雞翼味道一般, 其餘三樣幾好, 雞軟骨並非港式做法, 多春魚同冬菇燒得幾香, 而飯竟然用上珍珠米, 附送既麵豉湯超咸, 但整體上真係極抵食.
鹽燒鰻魚變左汁燒, 鰻魚肉幾甜但燒汁咸左D.
最後既餃子雞翼, 都係汁燒, 不過無咁咸, 個封口好靚, 幾好味可惜隻雞翼尖燒過火, 不過都係水準之作.
串燒幾有水準, 真正日式小店風味, 加上結業前價格下調答謝顧客支持, 唔介意環境既話, 非常抵食.
「可惜這個城市裡, 從今找不到你...」, 今後日本師傅何去何從呢??
Post
