Video
Read full review
2006-02-01
21 views
放心, 十幾人食完幾日都無事, 我先出呢個report既.又到新年, 又係盤菜. 十幾人聚餐, 無論事前定善後工夫都好金, 主人家提議盤菜搞掂, 我地都明白同贊成.之不過初一開餐, 到年廿九下晝先話想訂/買, 真係考起. 咁岩得咁橋, 果日岩岩有人同我講起呢間盤菜, 主人家又偏偏住得幾近元朗, 打去問又有「現貨」, 咁就唔駛再諗啦.不過咁大盤野, 翻熱真係幾麻煩, 我地最後都係要分兩、三次, 都係難逃一.材料都係果d, 蠔豉同冬菇份量幾多, 食極都有, 質素仲唔錯. 蘿蔔同腐竹都好腍好入味, 芋頭就唔夠腍了. 唔少得既仲有雞、鴨、魚蛋、豬皮、蝦、扣肉等. 講真我對盆菜無乜研究, 唔知正唔正宗, 但明顯贏連鎖店果d成條街. 價錢雖然相對貴d ($888 for 12, 仲送紅酒一枝, 長城牌......), 但都值既.由於有蝗蟲在陣, 本身味道亦唔差, 我地十二個人竟然食晒成盆, 我都係第一次見証到「盆菜一鋪清」, 真係難得! 新年快樂!
又到新年, 又係盤菜. 十幾人聚餐, 無論事前定善後工夫都好金, 主人家提議盤菜搞掂, 我地都明白同贊成.
之不過初一開餐, 到年廿九下晝先話想訂/買, 真係考起. 咁岩得咁橋, 果日岩岩有人同我講起呢間盤菜, 主人家又偏偏住得幾近元朗, 打去問又有「現貨」, 咁就唔駛再諗啦.
不過咁大盤野, 翻熱真係幾麻煩, 我地最後都係要分兩、三次, 都係難逃一.
材料都係果d, 蠔豉同冬菇份量幾多, 食極都有, 質素仲唔錯. 蘿蔔同腐竹都好腍好入味, 芋頭就唔夠腍了. 唔少得既仲有雞、鴨、魚蛋、豬皮、蝦、扣肉等. 講真我對盆菜無乜研究, 唔知正唔正宗, 但明顯贏連鎖店果d成條街. 價錢雖然相對貴d ($888 for 12, 仲送紅酒一枝, 長城牌......), 但都值既.
由於有蝗蟲在陣, 本身味道亦唔差, 我地十二個人竟然食晒成盆, 我都係第一次見証到「盆菜一鋪清」, 真係難得! 新年快樂!
Post