萬里緣盆菜專門店

Open Now

Now Closed

年初一家人聚餐，訂過九龍灣榮X盆菜，當時質素吾好！第二年執咗…美X盆菜，盆內用個鐵架墊底防加熱時痴底，材料少咗好多…個人鍾情屏山盆菜，可惜年初一休業，要提早取貨，家中雪櫃無法容納！部份食材亦不宜隔夜再翻熱…今年老友推介兩間傳統盆菜，選了萬里緣，主要係年初一中午有送貨，12人盆菜，連運費$1930。即日烹煮，穩陣！11時送到樓下；盆身是暖的。第一眼有d失望，以前食過盆菜，大盆上一座小山咁㗎喎…好在每樣食材都好好味！果然係傳統盆菜！

冬至為家人訂盤菜，第一次訂盤菜問過好多朋友意見最後決定試一試元朗「萬里緣盆菜」，由落單到付款送貨服務貼身又快捷，令我好放心。果然選擇正確。🥢$1680 的12人盤菜份量十足，足夠我們今晚 16 人食，盤菜包羅萬有，豬皮同豬肉勁入味又香腍，我最鍾意芋頭非常粉嫩，鮑魚爽脆，鮮蝦彈牙，蠔豉份量都不少啊！我最欣賞個汁香濃惹味配飯不得了！😋😋🥢

「虎年新春系列」之老字號盤菜真材實料新春開年飯齊齊食盤菜 ; 屋企人特登係元朗呢間老字號訂左個 8人盤菜, 因為以前食過一次好麻麻地既盤菜, 所以一開始係冇太大期望。食前就成個盤攞去煤氣爐度煲熱, 之後一上枱打開個錫紙蓋, 哇.... 香到不要不要的~ 鮑魚, 螺片首先好搶眼, 而且好入味 ; 魚蛋好爽口彈牙 ; 豬手, 肥豬肉好多件, 冇偷工減料, 仲燜到入口即化, 唔會爛茸茸 。蝦好鮮甜 ; 鷄就普通但勝在夠足料 ; 蠔豉係靚野 ; 芋頭粉到個個都問仲有冇 ; 豬皮, 冬菇, 枝竹, 白蘿蔔吸哂啲精華, 真係平料秒變貴價餸 。最後加水用返個汁底打邊爐煮金菇、嚮鈴, 正到爆~ 大家包括我都對盤菜改觀 ; 萬里緣! 好嘢 !

唔知大家年三十晚有咩做🙈我哋今年嗌咗萬里緣嘅盆菜慶祝～就咁睇個賣相已經非常之吸引💁🏻‍♀️份量足夠而且味道都好入味！再加埋香濃南乳醬嘅盆菜汁真係會食到停唔到口hehe🙈不過煲得太耐會開始有啲鹹😅要不停加水先得🤣但整體來講真係幾好食😆呢個天氣食盆菜真係冇得頂呀😍🥕 清甜蘿蔔 (🐘🐘🐘🐘 / 5) 吸晒啲味^_^ 超！級！正！呀！🐖 醬油豬皮 (🐘🐘.5 / 5) 腍得來又夠入味！可惜小店冇切開唯有自己攞鉸剪喺度切切切... 🥟 頂級枝竹 (🐘🐘🐘.5 / 5) 唔夠淋但都幾好食😂🍄 蠔油冬菇 (🐘🐘🐘🐘.5 / 5) 超級好食！！！難以用文字形容🤣🥔 香酥芋頭 (🐘🐘 / 5) 內裏綿密但好飽肚，剩咗好多...🐠 特製大魚蛋 (🐘🐘🐘 / 5) 爽口彈牙但唔係好吸味... 不過比起長洲大魚蛋的話係好食啲嘅😆🇨🇦 加拿大有機豆卜 (🐘🐘🐘 / 5) 份量偏小，味道正常發揮啦冇咩特別🍗 特製油雞 (🐘🐘🐘.5 / 5) 肉汁嫩滑～ 不錯不錯！🦪 原隻鮑魚 (🐘🐘 / 5) 偏硬但接受得到，整體一般... 有啲失望haha 🍤 游水海蝦 (🐘🐘🐘🐘 / 5) 鮮甜爽口，果然係家鄉菜～ 🍖 秘製豬

今年團年飯係食盆菜，市面太多選擇。在網上尋找comment，最後揀咗萬里緣。身邊無朋友試過，看openrice 食評都幾正面，於是訂咗一個大盆+$150 送貨費。盆係銻盆，5用得電磁爐，本來打算係屋企轉盆，但。。。佢個盆菜太澎湃，我地搵5到啱尺寸既電磁爐專用盆去載 於是我地只好燒熱，就拎出來夾夾，涼咗又燒熱，再拎出來夾夾。好彩食嗰晚天氣5係涷，所以我地只燒熱2次就掂~我按5同類別來評一評：賣相：係5靚既，好家庭 feel份量：好足味道：係好香，入味。但我地覺得有少許偏咸，同埋油份比較重接單：方便、回應快送貨：有禮、準時食材(挑一些來評價)：豬肉……係腍兼入味，真。好。味豬手……係5錯，好香雞鴨……味道5講，因為買返來。但刀工就藕斷絲連，可能切割員手攰了豬皮……腍、入味，但無乜點切開，我地出動剪刀剪牛什咁剪剪剪芋頭、支竹……5夠腍，有點硬實蘿蔔……吸晒味，正~魚蛋……彈牙、好味金蠔……細隻、入味，好味整體來講，係值得一試。但下次我會試其他店。

元朗站📍萬里緣盆菜專門店-招呼朋友黎屋企又唔想煮，盆菜係一個好選擇。細細個唔中意食，覺得好老土，而家大個左反而珍惜同屋企人、朋友圍著食盆菜嘅感覺🤓川味香辣盆菜-細盆6-8人份（$850）從來未食過川味盆菜，咁岩朋友全部食得辣，當然要辣辣佢🌶盆菜有以下材料：秘制香辣豬手、川味口水雞、香煎辣海蝦、麻辣魷魚鬚、特制辣魚蛋、香酥芋頭條、開胃蓮藕片、加拿大豆卜、醬香豬皮、火辣支竹同埋甜辣蘿萄。加熱個盆菜個陣已經聞到香辣味😋辣度岩岩好，一開始唔會太辣，照顧到食少辣嘅朋友，不過滾滾下就越嚟越辣，食大辣嘅朋友一定好happy😂張相有鮑魚仔，係自己後加罐頭鮑，成個盆好似豐富晒🤣蝦同魷魚都好爽口，豬手炆得好腍好入味，夾起都離骨（不過有毛😷，要改善下）。口水雞都滑身，再辣d仲正。蓮藕爽口解膩，豬皮同支竹大大塊又入味，最搶手係魚蛋🍢（食落爽口彈牙，疑似係學利魚蛋🤩）。豆卜、蘿蔔同芋頭建議最後先食，會比較入味😎我地7個人食呢個盆都係淨少少，份量岩岩好，用d湯底淥菜同菇都好惹味🤪最後仲加左個鳥冬😙整體黎講，味道一流，但餸菜就唔會好似新年果一款盆菜咁，有鮑魚、海參等等嘅名貴食材。不過對於我地黎講，呢款盆菜仲岩口味，

從來都唔覺得盆菜好食, 呢間改變左我既睇法！話說早排想多人食飯但因疫情問題唔可以一大班人去一間餐廳或酒樓, 所以諗起食盆菜！可以一大班人圍住食, 而且方便簡單當時早一日打個電話去落單, 第二日拎貨時已經整熱左, 返去簡單加熱就得喇！有菜有肉有海鮮！😄樣樣味道都好入, 從來都唔會食得晒嘅盆菜係呢一間可以完全食清光！😬😬By the way, 佢哋其實有唔同盆尺寸選擇, 所以可因應你有幾多人食叫唔同既尺寸！完全唔會做大晒鬼😬😬

呢間老字號始創超過50年，首創邊爐盆菜，內有十多種材料分層烹調🍲選料同烹調方法依足傳統新界圍村特色 ，非常正宗考究🛖💗傳統家鄉盆菜 ($350/ 2-3人)祕製豬肉以橙皮、片糖等炆煮，肉質半肥瘦夠鬆化🐖；游水海蝦鮮甜爽口🦐；富貴鮑螺片以煮鮑魚嘅方法烹煮🐚；特製油雞同明爐燒鵝則取自燒味店🦆；元朗魚蛋大粒彈牙🐟；香酥芋頭軟糯綿密🍠；頂級支竹同加拿大豆卜由名店樹記出品🫔；醬油豬皮同蠔油冬菇吸汁力強好入味🍄；清甜蘿蔔以冰糖、八角烚熟，食落冇渣🥕整體肉汁濃香味美💗川味香辣盆菜($350/ 2-3人)川味口水雞嫩滑鮮美🐔；香煎辣海蝦鮮甜爽口🦐；祕製香辣豬手肉質軟腍有彈性，充滿骨膠原🍖；麻辣魷魚鬚爽彈唔會韌🦑；香酥芋頭條炸至外層香脆，內裡綿密🍠；特製辣魚蛋大粒彈牙🐟；開胃蓮藕片口感爽脆🫓；加拿大豆卜同火辣支竹由名店樹記出品🫔；醬香豬皮同甜辣蘿蔔吸汁力強好入味🥕。整體辛香惹味，麻辣刺激🌶

除咗出去食飯之外，係屋企食盆菜一樣咁正😉今次發現呢間老字號盆菜店，佢哋仲可以提供定製嘅低碳盤菜添~因為朋友戒緊澱粉，所以店主都好爽快咁應承咗走芋頭，仲加多啲肉俾我哋🥰咁好嘅服務，真係好感動~咁吸引，一定要試下啦🤩就算係家庭裝盆菜入邊，品種已經非常豐富🤤有齊油雞，燒鴨，鮑汁螺片，大蝦，秘制豬肉，蘿蔔，冬菇，豬皮，支竹，魚蛋，特大豆卜...值得一讚嘅佢嘅盆菜汁勁香，因為保留咗肉汁，叫埋香濃南乳，屋企人話未打開道門，已經係門口聞到陣陣香味~🍤大蝦新鮮彈牙，而且蝦頭仲有膏，好鮮味👍🏻蘿蔔，豆卜索哂啲汁，真係特別吸引🤩蘿蔔水份飽滿之餘，更清甜。用料方面，我真係覺得好足🥢每一種食材都選材高質，是一個難得滿意嘅盆菜。即使係少人叫咗細細煲，底下都有一個防止粘底嘅隔，細心位欣賞。趁住放假同朋友聚會，就算人少少，一樣可以開心享受滿足滋味😉快啲試下佢哋嘅經典or新派盆菜啦！

🌟 迷你盆菜vs辣盆菜! 復活節有優惠! ▫▫▫▫▫🍽菜式介紹: ❝ 萬里緣盆菜 ❞ ▫▫▫▫▫📍預訂電話: 24775724 / WhatsApp 96669943▫▫▫▫▫🔴食評:位於元朗的萬里緣🔸，是擁有52年經營歷史的盆菜老字號。品牌多年來深受明星歡迎，大時大節都會看到明星跟盆菜的合照呢~適逢復活節的來臨，餐廳將會在4月2日至6日期間，推出盆菜優惠活動🌟，*同時預訂川辣盆菜和家鄉盆菜，即可享$60折扣優惠!全新推出的迷你盆菜❤️，適合2-3人食用，有秘制豬肉、游水海蝦🦐、富貴鮑螺片、明爐燒鴨、特制油雞、加拿大豆卜、元朗魚蛋、香酥芋頭、蠔油冬菇、頂級支竹、醬油豬皮和清甜蘿蔔。盆菜鹹香味濃，食材匀吸收醬汁味道，豬肉厚瘦分明，鮑螺片質感軟彈，油雞肉質嫩滑，小小一盆，適合香港家庭👅。愛吃辣的朋友仔，就要試試也是全新推出的川辣盆菜🌶啦~辣度十足，🤣記得準備汽水下火呀～▫▫▫▫▫

疫情關係, 今年新年氣氛好淡。雖然如此, 年都係要過既, 節都係要做既。而且可以一家人聚埋一齊團年真係好難得, 要珍惜呀! 今年團年我地一切從簡, 只係簡單叫左一個盆菜返黎食。朋友介紹佢食左好多次既元朗萬里緣盆菜專門店, 咁就試下啦! 雖然係年三十晚, 但司機都好準時送到, 而且知道得一個老人家在家, 仲好好咁送埋上去。好感謝呀!!!食店仲送埋餐具, 讚! 一打開盆菜, 有蝦、螺片、燒鴨、油雞等........ 滿滿的一盆。我地仲自己加左鮑魚, 豐足的期待新一年。盆菜汁味好濃, 想讚下個魚蛋, 又大又好食! 芋頭同蘿蔔尖到勁淋, 仲有D 豬肉都好淋! 我地10 個人食都食唔晒呀! 下次做節都會考慮再ORDER! 

老公果邊係大家庭, 所以每逢中秋、做冬、團年都會叫一個大盆菜一齊食就最方便啦! 其實已經有好多年訂萬里緣盆菜, 因為呢間既盆菜性價比高。今年都唔例外啦, 叫左一個大SIZE 既傳統家鄉盆菜, 我地仲自加鮑魚再另炒菜。盆菜本身有豬肉 - 半肥瘦既, 係肥, 但好好食蝦 - 都有10隻左右, 都幾新鮮鮑螺片 - 都有十多塊, 我本身好鍾意食鮑螺片, 所有好滿足燒鴨、雞 - 都有幾舊, 唔算多, 味道一般魚旦 - 呢個元朗魚旦簡直EXCELLENT!!! 好大粒, 又彈牙, 每次大家都搶住食芋頭 - 超淋超入味, 好好食冬菇 - 今次就細粒D, 不過都好入味蘿蔔 - 好多, 全部都好入味, 冇渣 <-- 重點支竹、豬皮、大豆卜 - 全部都好入味我地另外仲加左D 鮑魚, 即刻變左富貴大盆菜之前仲試過其他食店既盆菜, 試完之後我地都覺得萬里緣較好! 性價比高!黎緊團年, 應該都會再訂! 

🧧最鍾意食蠔、冬菇🧧.🥘萬里緣 - 新春盆菜🥘.做節叫盆菜真係唔錯嘅選擇，年年都叫呢間，好味足料大盆又方便🤤.今次係叫個新春盆菜，10幾人回家食團年飯。叫盆菜送貨係最方便。.新春盆菜會有雞、燒肉、蝦、蠔、豬手、鮑片、冬菇、腐竹、蘿蔔、芋頭、魚蛋等等.煲個飯、蒸條魚、煮個菜，大家就可以圍埋一齊食飯啦🥢。新春盆菜會多咗豬手同埋蠔，全部都好入味，加入左佢哋嘅秘製醬汁用嚟撈飯食真係好正。如果覺得唔夠，想加料仲可以開個鮑魚點啲醬汁嚟食添。.

每次做節、做冬、團年飯，盆菜都係一個好選擇，因為屋企人多，出街食飯又貴又迫。所以叫盆菜送貨到屋企，再斬啲料係一個好選擇！屋企每次做節都會叫盆菜，因為一家十幾人返嚟食飯，煲個飯、斬啲料、打邊爐食菜，就可以一齊圍埋張枱食團年飯。我哋試過兩間元朗嘅盆菜，呢間係比較濃味一啲，啱口味重嘅人，撈飯食真係好好味。飲住啤酒食住盆菜真係好正！嚟緊新年團年飯我哋又訂啦～哈哈哈！盆菜有雞、燒鵝、蝦、螺片、蘿蔔、芋頭、魚蛋、知足、燒肉、冬菇、豬皮等等。加埋佢哋嘅秘製醬汁甚有家鄉風味

🥢傳統元朗盆菜專門店🥢除了新年會想到食盆菜，有時人多，或者有些地方想搞活動，最方便就係訂盆菜，貪佢方便唔洗煮就有得食🥢傳統家鄉盆菜大盆菜(自取價12位用) $1080🥢內容感覺很豐富，包括有：🥢富貴鮑螺片，家鄉大蝦，明爐燒鴨，豉油雞，酥炸香芋，家鄉炆豬肉，炆冬菇，魚旦，加拿大有機豆腐卜，醬油豬皮，蠔油支竹， 清甜羅白🥢盆菜是傳統元朗盆菜的味道，湯汁很入味夠曬濃帶點南乳味道，但是估大部分都是支竹豬皮羅白同豆腐，肉佔的比例很少，表面的肉雞燒鴨份量好似例牌都無，所以12人盆不能夠每人一舊，有點不滿足。炆豬肉炆的入味好食，但係一半是肥肉，唔食肥的朋友變了無肉食🥢味道傳統好食的元朗盆菜，只是肉類比例真的太少，對食肉獸來講有點不太滿足，鍾意食齋菜的朋友會適合些按右上角按三點，要按 就唔會錯過貼文啦萬里緣盆菜專門店地址: 元朗安寧路11號地下#元朗盆菜#盆菜#香港美食#香港小店#今晚食咩好#今晚食乜好#食好西#食好西系列#非廣告#吃貨#吃貨日常#吃貨人生#吃貨日記#支持小店#旅行日記#食評#食好西元朗美食#hongkongfood#food#foodie#h