千房 (Closed)

平時鍾意食大阪燒嘅我，今日第一次「自家製」！旺角TOP商場開左冇幾耐，店鋪行新潮兼型格路線，比起隔離旺中高檔少少，但又夠晒時尚，不失年輕人嘅風格。千房位於4樓較入嘅位置，本來以為會靜啲少人啲，去到發現坐滿晒人，平日黎講真係好旺，似乎有唔少都係捧場客！大阪燒款式唔算太多，不過款款都想食，有選擇困難症嘅我心大心細。揀左其中一款嘅係芝味豚平燒，上桌發現原來已經預先煮好，只要食之前加熱就可以了！蛋包邊嘅處理可以使加熱後，待到金黃色放入口，會食到香脆嘅口感。芝士份量唔少，半溶狀態令燒物更有層次，食落會有拉絲效果！豚肉加上日式燒汁更加係配搭一流！日式炒麵都好好味，用左日式醬汁調味，甜甜地，同樣預先煮好，輕輕放上pan熱一熱就食得了。薄薄一層蛋包住炒麵，自行加上調味同配料，包括沙律醬、魷魚絲，預熱即溶，香味十足。唔想咁飽肚，但又想食多幾款野食，於是叫左炒雜菌。菇類唔少，用蒜頭爆香味道，好入味。啲菇醬新鮮，爽爽滑滑嘅口感令人食到唔停口！牛舌係另一款好食夾唔飽嘅小食！好爽口！厚切得黎一啲都唔鞋唔韌，仲有好香濃嘅牛味添！檸檬同鹽就係牛舌最佳嘅調味料，輕輕烤一烤就食得。7-8成熟既唔會有血水，又能夠鎖住肉汁