Video
Read full review
2023-07-09
1321 views
本身一向對甜品都有少少狂熱，尤其喺食自助餐時最尾梗係一大碟甜品作結，朋友都話見到人都癲。而晌自助餐裡面，似乎意大利芝士餅（提拉米蘇）好似喺必然嘅一角，今日食完晏，過嚟逛一逛中環街市，見到「Tiramisu' Lab」，發現有好多唔同口味嘅意大利芝士餅，非常吸引。估唔到意大利芝士餅都做到咁多款式，睇睇啲宣傳牌，寫住來自意大利家傳秘方，更喺全港首間提拉米蘇專門店，並標榜全以意大利材料嚟製造，自然有一定嘅賣點。先喺餅櫃望兩望，睇到唔同大細嘅意大利芝士餅可供選擇，所以，無論買一小個自己食，還是買一大個作為生日蛋糕一同共享都得。不過，眼見有啲款式都已經賣晒，店員話如果買大個裝嘅最好預訂心水口味，因為熱門口味都好易缺貨。鋪面側邊，仲有幾個吧位，買咗之後，想悠悠閒 坐喺度即場食都無問題。而我就買咗拎返公司慢慢嘆嘅，揀咗3款，據店員講都喺較多人揀嘅款式，我就純粹因為鍾意芒果，老婆就鍾意開心果，再試埋個經典原味咁就喺我哋嘅選擇喇。1960"經典提拉米蘇 $48傳統做法梗用意大利手指餅，而唔喺用海綿蛋糕啦，而手指餅浸浸咗咖啡，所以食落去嘅時候口感夠晒濕潤，但就喺無加酒嘅版本，比較老少咸宜；中間嘅馬卡風芝士
估唔到意大利芝士餅都做到咁多款式，睇睇啲宣傳牌，寫住來自意大利家傳秘方，更喺全港首間提拉米蘇專門店，並標榜全以意大利材料嚟製造，自然有一定嘅賣點。
先喺餅櫃望兩望，睇到唔同大細嘅意大利芝士餅可供選擇，所以，無論買一小個自己食，還是買一大個作為生日蛋糕一同共享都得。不過，眼見有啲款式都已經賣晒，店員話如果買大個裝嘅最好預訂心水口味，因為熱門口味都好易缺貨。
鋪面側邊，仲有幾個吧位，買咗之後，想悠悠閒 坐喺度即場食都無問題。
而我就買咗拎返公司慢慢嘆嘅，揀咗3款，據店員講都喺較多人揀嘅款式，我就純粹因為鍾意芒果，老婆就鍾意開心果，再試埋個經典原味咁就喺我哋嘅選擇喇。
1960"經典提拉米蘇 $48傳統做法梗用意大利手指餅，而唔喺用海綿蛋糕啦，而手指餅浸浸咗咖啡，所以食落去嘅時候口感夠晒濕潤，但就喺無加酒嘅版本，比較老少咸宜；中間嘅馬卡風芝士打得非常之柔滑，陣陣淡然嘅芝士香，夾上手指餅，喺經典嘅味道，而面頭灑滿唂咕粉，嗰份超濃郁嘅黑朱古力香味，亦都提拉米蘇嘅標記。
開心果米蘇 $56以前都曾經試過其他口味嘅提拉米蘇，但搵開心果人嚟做真喺第一次接觸，所以，都有啲期待。從外觀都睇到個賣相好靚仔，面頭唧滿一個個小圓球嘅忌廉，再撒咗啲開心果仁碎。裡面同樣有浸咗咖啡嘅手指餅，再混滿加入開心果做成嘅馬卡風芝士餡，口感同樣柔滑清甜，雖然開心果味唔算太強，但可以講喺味道細膩。
泰式椰香芒果米蘇 $52從外面睇，唔單止面頭有好多芒果肉，中間亦都有好多，真喺啱晒我，而且，面頭仲唧咗啲忌廉花，令賣相更討好，但講到味道，都喺有浸咗咖啡嘅手指餅，再配以加入椰子元素嘅馬卡風芝士，味道帶有微微椰子清香，夾埋啲清甜可口嘅芒果肉，確喺滋味嘅享受，不過，反而覺得面面嘅椰絲有少少硬，可能唔家就仲好啲！
原味提拉米蘇固然夠經典，另外兩款新口味亦都幾有新意，而個膠盒食完仲可以洗乾淨利用嚟裝下啲小文具，唔好就咁掉咗咁浪費。
Post
