Video
Read full review
2023-08-27
410 views
呢間餐廳早幾個月前洗哂板，因為由餐廳環境到出品都好有日本地道風味，不過避過熱潮而家先黎幫襯，位置就隱藏係鬧市中大廈既天井，要費小小力氣先搵到餐廳好有睇日劇入面深宵食堂既感覺，由裝修到檯椅都好有年代感，店內有8個位，店外有4個位，唔早少少過黎就要排隊等位，入面有幅日系風極重既的風浪壁畫食堂主打蒲燒鰻魚同牛肉漢堡，而家仲有期間限定既蟹料理同埋小食飲品，由$100起，配埋定食都係尖沙咀平價水準雙重黯然銷魚飯 | $158黯然銷魂飯既日式變奏版，拎過黎既時候心跳加速，因為見到隻太陽蛋係度擺動佢既身體，當我諗住放好影張相就開餐時就爆咗了雙重鰻魚其實有成3層咁多，每舊汁醬都包實咗嫩口既鰻魚，真係啖啖肉咁好味，再將金黃色蛋液同蔥撈埋飯一齊食牛肉壽喜燒配和式定食 | $128呢度用既牛肉都係高品質，試埋呢款關東風既壽喜燒鍋，鍋入面有海量牛肉片、金菇、洋蔥、雜菌同金蛋黃，牛肉肥瘦適中，火喉剛好有油脂香氣，湯汁微甜有幸福感定食仲包埋麵豉湯、中華沙律、抹茶泡芙同飯，加$20升級成貓飯，貓飯係深夜食堂中為人所知，加咗牛油、鰹魚醬油、海苔絲同木魚片，單食都好有中毒性芝士吉列大豬扒 | $68上檯就有好香既炸物味
餐廳好有睇日劇入面深宵食堂既感覺，由裝修到檯椅都好有年代感，店內有8個位，店外有4個位，唔早少少過黎就要排隊等位，入面有幅日系風極重既的風浪壁畫
食堂主打蒲燒鰻魚同牛肉漢堡，而家仲有期間限定既蟹料理同埋小食飲品，由$100起，配埋定食都係尖沙咀平價水準
雙重黯然銷魚飯 | $158
黯然銷魂飯既日式變奏版，拎過黎既時候心跳加速，因為見到隻太陽蛋係度擺動佢既身體，當我諗住放好影張相就開餐時就爆咗了
雙重鰻魚其實有成3層咁多，每舊汁醬都包實咗嫩口既鰻魚，真係啖啖肉咁好味，再將金黃色蛋液同蔥撈埋飯一齊食
牛肉壽喜燒配和式定食 | $128
呢度用既牛肉都係高品質，試埋呢款關東風既壽喜燒鍋，鍋入面有海量牛肉片、金菇、洋蔥、雜菌同金蛋黃，牛肉肥瘦適中，火喉剛好有油脂香氣，湯汁微甜有幸福感
定食仲包埋麵豉湯、中華沙律、抹茶泡芙同飯，加$20升級成貓飯，貓飯係深夜食堂中為人所知，加咗牛油、鰹魚醬油、海苔絲同木魚片，單食都好有中毒性
芝士吉列大豬扒 | $68
上檯就有好香既炸物味，隱約見到奶白色既芝士，一拎起就有拉絲效果，外層極度香脆，入面帶點肉汁
焦糖菠蘿配菠蘿梳打 | $48
呢杯特飲真係意外驚喜，店主即場開菠蘿再用火槍燒制，原來唔止topping一舊，仲有3舊可以同檯share，焦糖面脆，果肉更爽甜
Post
