Video
Read full review
2023-08-15
2005 views
腸胃炎病咗幾日，日日粥水、粥水又粥水，無啖好食，所以，趁好番，今晚又喺得返一支公開飯，專登食好少少，就諗到嚟海港城嘅「Espresso Alchemy」嘆杯靚咖啡，食個意大利飯，呢度嘅出品穩打穩紮，啱我好味，最緊要啲咖啡有水準嘛。餐廳嘅環境可以講跟商場空間連成一體，下單嘅櫃位喺較「入鋪」嘅一邊。對開嘅另一邊就喺用餐區，地方都幾大，拱門形嘅窗框，加上波波燈，裝修上帶點歐陸風，予人感覺閒適寫意。 基本上，印像中跟上次嚟嘅餐牌變化唔喺好大，食物方面，就包括有沙律、三文治、多士、意大利麵、意大利飯、全日早餐、漢堡、意大利三文治及甜點。而飲品方面，都喺一系列意式咖啡，以及多款特色飲品、朱古力……等等。 選購食物採半自助形式，晌收銀處落單後，收到號碼牌，就由店員將食物送上，簡單嘅服務，卻唔收加一服務費。 南瓜蓉配炸松子核桃碎忌廉意大利飯 $109 上一次嚟試咗佢哋嘅虎蝦車厘茄意大利飯，今次當然要揀番意大利飯，一碟意大利飯好睇到廚師嘅手勢同實力，掂唔掂你得呃。初時見佢個菜名叫南瓜蓉，以為只喺個汁底加入南瓜元素，原來唔止咁，飯面仲有好多烤南瓜肉，此外，仲有好多松子仁、核桃碎，令到整體口感豐富；而飯
餐廳嘅環境可以講跟商場空間連成一體，下單嘅櫃位喺較「入鋪」嘅一邊。
對開嘅另一邊就喺用餐區，地方都幾大，拱門形嘅窗框，加上波波燈，裝修上帶點歐陸風，予人感覺閒適寫意。
基本上，印像中跟上次嚟嘅餐牌變化唔喺好大，食物方面，就包括有沙律、三文治、多士、意大利麵、意大利飯、全日早餐、漢堡、意大利三文治及甜點。而飲品方面，都喺一系列意式咖啡，以及多款特色飲品、朱古力……等等。
選購食物採半自助形式，晌收銀處落單後，收到號碼牌，就由店員將食物送上，簡單嘅服務，卻唔收加一服務費。
南瓜蓉配炸松子核桃碎忌廉意大利飯 $109 上一次嚟試咗佢哋嘅虎蝦車厘茄意大利飯，今次當然要揀番意大利飯，一碟意大利飯好睇到廚師嘅手勢同實力，掂唔掂你得呃。初時見佢個菜名叫南瓜蓉，以為只喺個汁底加入南瓜元素，原來唔止咁，飯面仲有好多烤南瓜肉，此外，仲有好多松子仁、核桃碎，令到整體口感豐富；而飯粒做得夠濕潤，入口米心口感煙韌，卻唔會有種「生米」嘅感覺，每口都充滿南瓜嘅清甜香味，只喺稍嫌收水多咗啲，個汁少少杰身。
鮮奶咖啡 $44 佢哋嘅咖啡真喺幾有水準，所以，我都揀番慣常所飲嘅鮮奶咖啡。先講個拉花，線紋細緻而對稱，雖然未算話拉到好多層，亦算喺有番咁上下，入口口感均勻，咖啡香氣醇和，又富有果仁香氣。另外，好鍾意店家啲瓦杯，厚身又有型。
生酮竹炭黑芝麻忌廉卷 $61 曾經喺西環一間咖啡店食過生酮所做嘅蛋糕，由於喺無麩質製作，好啱有敏感問題嘅客人食，見呢度都有，今晚盡興少少，食埋個甜品先。最心水喺意大利芝士口味，不過，買晒！竹炭黑芝麻我都OK，竹炭蛋糕捲住黑芝麻忌廉，如果能加上少少裝飾，賣相就更加精美。海綿蛋糕有別平常嘅口感，喺會覺得稍稍乾啲，但仍很軟綿，中間嘅忌廉打得很柔滑，好有芝麻香氣。
就算唔喺素食餐廳，好多餐廳都會加入少少健康菜式，例如全素菜式、無麩質、生酮飲食……等等，其實都喺一個趨勢，好做多少少著重呢方面嘅客人。今晚呢餐其實又真喺好健康，難得一支公食飯都無大魚大肉，可以食得咁健康，哈哈！
Post
