Video
Read full review
2025-01-25
206 views
周末想同朋友聚餐，搵個地方食D海鮮好好犒賞下自己，最後揀左悅品度假酒店最新推出既「鮑魚 • 龍蝦 •‘ 蠔 ’華尋鮮 • 自助晚餐」。餐廳提供種類繁多既精緻美食，特別係啲海鮮同熱盤超有吸引力，諗住好好享受一餐豪華既盛宴，就黎左呢度！ .燒原條肉眼最推第一口試左燒原條肉眼，外層燒得微焦，入面依然保持嫩滑多汁，肉香味十足，絕對係全晚既highlight之一！另外香烤羊架配黑椒汁燒汁都超出色，羊肉無膻味，肉質軟嫩，黑椒汁令整體味道更加豐富～熱盤仲有紅酒燴牛肉面頰肉，肉質滷到非常軟腍，蠔皇瑤柱仿鮑片扒時蔬都值得一試，啖啖都有驚喜！ .海鮮控天堂自助餐一定要食海鮮啦！扒波士頓龍蝦用料非常新鮮，肉質爽口彈牙，仲帶住陣陣海水既清甜味。清蒸海上鮮保持左魚既原味，嫩滑又鮮甜。黑椒大頭蝦惹味香辣，每隻蝦都大大隻，肉質緊實又鮮甜。其他海鮮熱盤如爆炒香辣鮑片、蒸扇貝、白酒香草忌廉汁燴龍蝦鉗，上湯龍蝦伊麵，樣樣都係必試之選！ .冷盤之王冷盤方面，麵包蟹新鮮又飽滿，蟹肉鮮甜又充滿蟹膏香味，真係超滿足！仲有長腳蟹，翡翠螺、青口、鮮蝦等冷盤，全部都係冰鎮得岩岩好，保留左海鮮既原汁原味。刺身區亦有好多選擇，包括鯛
周末想同朋友聚餐，搵個地方食D海鮮好好犒賞下自己，最後揀左悅品度假酒店最新推出既「鮑魚 • 龍蝦 •‘ 蠔 ’華尋鮮 • 自助晚餐」。餐廳提供種類繁多既精緻美食，特別係啲海鮮同熱盤超有吸引力，諗住好好享受一餐豪華既盛宴，就黎左呢度！
.
燒原條肉眼最推
第一口試左燒原條肉眼，外層燒得微焦，入面依然保持嫩滑多汁，肉香味十足，絕對係全晚既highlight之一！另外香烤羊架配黑椒汁燒汁都超出色，羊肉無膻味，肉質軟嫩，黑椒汁令整體味道更加豐富～熱盤仲有紅酒燴牛肉面頰肉，肉質滷到非常軟腍，蠔皇瑤柱仿鮑片扒時蔬都值得一試，啖啖都有驚喜！
.
海鮮控天堂
自助餐一定要食海鮮啦！扒波士頓龍蝦用料非常新鮮，肉質爽口彈牙，仲帶住陣陣海水既清甜味。清蒸海上鮮保持左魚既原味，嫩滑又鮮甜。黑椒大頭蝦惹味香辣，每隻蝦都大大隻，肉質緊實又鮮甜。其他海鮮熱盤如爆炒香辣鮑片、蒸扇貝、白酒香草忌廉汁燴龍蝦鉗，上湯龍蝦伊麵，樣樣都係必試之選！
.
冷盤之王
冷盤方面，麵包蟹新鮮又飽滿，蟹肉鮮甜又充滿蟹膏香味，真係超滿足！仲有長腳蟹，翡翠螺、青口、鮮蝦等冷盤，全部都係冰鎮得岩岩好，保留左海鮮既原汁原味。刺身區亦有好多選擇，包括鯛魚、吞拿魚、三文魚、阿根廷紅蝦、墨魚同馬刀貝，每樣都新鮮得無得彈，海鮮迷一定要試。
.
即叫即製
特別一提，即叫即製既鮑魚雞粥真係好吸引，粥底綿密順滑，鮑魚鮮味完全融入粥裡，每一啖都係濃濃既鮑魚香，真係滋味又暖胃！另外BBQ串燒、燉蟲草花鮑魚螺片湯、惹菌忌廉湯都係佳作，d天婦羅炸得香脆不油膩，食落好有滿足感！
.
甜品收尾
食到尾聲，黎返杯Häagen-Dazs雪糕收個尾，Creamy既口感令人心情瞬間升華！如果中意甜品，仲可以試試自助區既菠蘿椰汁大菜糕、朱古力瑞士卷、忌廉泡芙、綠茶慕絲蛋糕、牛奶布甸、芒果布甸同士多啤梨慕絲蛋糕，每款都夠新鮮又吾過甜，絕對係甜品控既福音！
Post
