Video
Read full review
2015-09-18
402 views
一直以黎，銅鑼灣比我既感覺係一個「卧虎藏龍」既地方，唔同既大廈裏面有各式各樣既美食，總係給人無限驚喜！任何食店只要能夠喺呢個地方站得住腳的話，要「走出去」往其他地方開店絕對冇難度！「Chibee」位於軒尼詩道近銅鑼灣廣場既商廈，地方唔算太大，全場只有約三四十個坐位，另加一個可以坐5-6人既Bar枱。裏面無論裝修、格局、以至侍應全部都好「韓風」，如果唔係走火通道果個白底綠字既「出口」兩個字，我都會以為自己去左首爾！雜果賓治 (1 jar) ($85) : 因為泊左車所以唔可以飲酒精飲品，如果唔係一定會試埋佢地果D喺香港非常少見既韓國啤酒！Anyway，Fruit Punch唔太甜得黎之餘又有少少水果既香味同埋餘韻，最啱食D好似炸雞咁既香口野！忌廉羅勒香蒜炸雞 ($178): 唔駛多講，炸雞絕對係呢度必食之選。同其他食過既韓式炸雞唔同，呢度既口感相對冇咁「重粉」，而且炸粉有少少香蒜同埋好似戲院食到果D爆穀撈埋一齊果陣食到既少少既香味，非常特別！至於個忌廉sauce方面，餐廳十分細心用左雪糕火鍋經常用到既保溫爐做容器，咁就唔駛擔心食到尾段時D汁凍晒影響口感！味道方面，由於忌廉汁裏面用左Bas
「Chibee」位於軒尼詩道近銅鑼灣廣場既商廈，地方唔算太大，全場只有約三四十個坐位，另加一個可以坐5-6人既Bar枱。裏面無論裝修、格局、以至侍應全部都好「韓風」，如果唔係走火通道果個白底綠字既「出口」兩個字，我都會以為自己去左首爾！
雜果賓治 (1 jar)
$85
29 views
0 likes
0 comments
忌廉羅勒香蒜炸雞 / Basil Pesto Cream Chicken
$178
75 views
1 likes
0 comments
至於個忌廉sauce方面，餐廳十分細心用左雪糕火鍋經常用到既保溫爐做容器，咁就唔駛擔心食到尾段時D汁凍晒影響口感！味道方面，由於忌廉汁裏面用左Basil香葉同埋落左煙肉絲，所以入口時非常香滑之餘，又會食到香葉既味道同埋醬汁裏面芝士同煙肉既口感！
部隊鍋 ($220): 呢度既部隊鍋份量十足，香腸、午餐肉、韓式餃子、金菇等等既材料差唔多滿瀉唔在講，泡菜更加舖滿晒鍋既表面，令到個湯完完全全浸晒泡菜既味道，無得彈100%正宗韓式口味，同我幾年前同首爾同事喺江南區一間Local 餐廳食到既一模一樣，超正！值得一提既係，呢度既店員十分細心，提我地必須首先「整碎」左裏面舊肉先，等佢既味度晒入湯底之後先再食就會更加好味！
部隊鍋 / Budaejigae
$220
106 views
1 likes
0 comments
卡邦尼年糕 ($108): 同平時食到既年糕有少少唔同，呢到既口感非常之chessy有質感，同坊間經常食到好似長通粉果隻既口感完全唔同！個sauce非常之滑唔在講，鹹鹹地之餘更加因為上面既芝士粉同埋裏面既煙肉絲令到口感更加突出，抵讚！
卡邦尼年糕 / Carbonara Tteokbokgi
$108
78 views
1 likes
0 comments
難得喺香港有一間咁「江南style」既韓式小店實在可喜可賀，愛好韓風既朋友一定要「到此一遊」呀！
Post
