Video
Read full review
2013-03-03
25 views
有幸得到餐廳嘅邀請可以一嚐意大利私房菜餐廳，今次除咗叫埋老友食家外，仲叫多咗位食友，三人行，真係好開心。餐廳位於銅鑼灣，我們相約係時代廣場等，由於都唔係好熟路，都搵咗一陣，之後見到大廈門口，起初係門口度都猶豫咗一陣，因為見唔到有提餐廳嘅 4/F，以為無 4/F 添，哈哈。剛巧有人進大廈內，我哋就跟埋入去，又繼續猶豫，因為係信箱度又唔見有餐廳名稱。跟住就搭升降機上去，呢度嘅升降機係自己開門，感覺好似我去咗歐洲咁，因為之前住過嘅酒店都係自己開門架。開咗門，升降機門就係自動，中間就無咗舊式嘅拉閘。我哋離開時仲研究如果架升降機未到，而我哋開門，咪會唔小心跌咗落去，於是我哋拉吓啦，原來係開唔度，哈哈，疑團已經解開。上到四樓，看到英文單位牌，於是我哋就轉右找到 J 了，深黑色嘅大門，同隔離左右嘅單位有強烈嘅對比，見到門口有過了膠嘅餐廳名，於是就放心按門鈴，哈哈，因為真係好驚去錯。一進餐廳，完全係另一個世界，好似時空門咁，白色磚嘅牆身，黑色嘅天花。先經過蠔吧，然後看到投射於牆身嘅餐廳名。餐廳以黑白色為主，餐桌，櫈，窗簾都係用上黑色，與白色磚牆身襯托著，再用埋水晶燈，感覺簡約得來又典雅。燈光柔和，配上
餐廳位於銅鑼灣，我們相約係時代廣場等，由於都唔係好熟路，都搵咗一陣，之後見到大廈門口，起初係門口度都猶豫咗一陣，因為見唔到有提餐廳嘅 4/F，以為無 4/F 添，哈哈。剛巧有人進大廈內，我哋就跟埋入去，又繼續猶豫，因為係信箱度又唔見有餐廳名稱。
跟住就搭升降機上去，呢度嘅升降機係自己開門，感覺好似我去咗歐洲咁，因為之前住過嘅酒店都係自己開門架。開咗門，升降機門就係自動，中間就無咗舊式嘅拉閘。我哋離開時仲研究如果架升降機未到，而我哋開門，咪會唔小心跌咗落去，於是我哋拉吓啦，原來係開唔度，哈哈，疑團已經解開。上到四樓，看到英文單位牌，於是我哋就轉右找到 J 了，深黑色嘅大門，同隔離左右嘅單位有強烈嘅對比，見到門口有過了膠嘅餐廳名，於是就放心按門鈴，哈哈，因為真係好驚去錯。一進餐廳，完全係另一個世界，好似時空門咁，白色磚嘅牆身，黑色嘅天花。先經過蠔吧，然後看到投射於牆身嘅餐廳名。餐廳以黑白色為主，餐桌，櫈，窗簾都係用上黑色，與白色磚牆身襯托著，再用埋水晶燈，感覺簡約得來又典雅。燈光柔和，配上悠悠嘅音樂，氣氛也很浪漫。
餐廳內有兩排窗，只是因為布簾未有拉上，觀景就係隔離左右嘅大廈，最攪笑嘅係我哋見到對面大廈有人係度晾衫時，我哋仲話佢應該見唔到我哋，估計餐廳係用咗玻璃紙，出面睇唔到入面，入面睇到出面。當我哋離開後，再由地下望番上去，就知道原來晾緊衫嘅人其實係見到我哋望佢，哈哈。今次餐廳係邀請我哋試新菜式，四道菜晚餐，配麵包，甜品和飲品，合供 $599，已包加一服務費。由於係私房菜關係，呢度只收現金。餐廳負責人為我們安排了食物嘅配搭，流暢及詳細嘅講解，充份表現到佢對菜式嘅熟悉程度，真係佩服。
餐廳環境比較昏暗，加上最近換了部相機，我仲探索緊，我哋影相嘅時間長咗，又試打燈，又試閃光，又試位。哈哈，亦都被餐廳負責人發現咗，特意為我們減慢上菜嘅速度，怕食物放涼了，真係細心。
麵包配自製特式醬 (Bread with Homemade Sauce)
驟眼看有點像平時食嘅法包，內外都好脆好鬆，麵包密度不高，係唔會食到飽肚。對於有少少整麵包經驗嘅我當然想知道係咪自家製，雖然心中已經有答案，哈哈。細問大廚之下，原來係來自上環某餅店，見係上環，都算我地球，諗住問吓係邊，原來係巷仔內嘅麵包店，不過就唔方便透露名稱，等我仲諗住去睇吓添。而自家製嘅醬有兩款，一款係藍莓梨醬，一款係橄欖油同陳醋。藍莓梨醬呈淺紫色，因為用咗梨嘅關係，梨味較突出，甜度適中，真係不錯，一改我對果醬嘅印象。
法國生蠔 (Oyster from France)餐廳負責人為我哋安排咗餐牌內沒有嘅生蠔，真係好喇！我都好鍾意食生蠔架，曾經試過一次食二十隻，嘻嘻。先嚐 Ancelin，蠔很新鮮就唔駛講，濃濃嘅海水味，店主話係會食到西瓜味，不過可能食得太快，我食唔出添，應該要試多幾件先得，嘻嘻。而 Gillardeau 就比較爽口彈牙，味道很鮮甜，食後陣陣蠔香海水味。
凍煙法國鴨胸，血橙蓉 (Cool Smoke French Duck Breast, Blood Orange)在橙色嘅醬蓉上，粒粒鴨胸肉排列成線狀，粉紅色鴨胸肉，白色脂肪，加上鮮嫩菜葉點綴，顏色配搭得宜，賣相很別致。鴨胸肉切成粒狀，味道和平時有點不同，更像火腿，食落更有嚼口，鹹香味又恰到好處。配上酸甜嘅血橙蓉，亦減卻肥膩感。
澳洲和牛他他 (Kobe Beef Tartare M6)澳洲 Kobe？神戶？和牛他他，呈粉紅色，肉和脂肪粒比例剛好，肉質鮮嫩軟腍，拌入爽脆又不辣嘅洋蔥，是很好嘅嘅配搭。而香脆乾身嘅 Cracker 除了用作點綴之下，餐廳負責人解釋是用來減輕齋食和牛他他嘅膩滯感。
香煎鵝肝配黃梅醬多士 (Foie Gras with Apricot Jam, Baguette)薄薄鵝肝輕煎至金黃色，與橙黃色嘅黃梅醬汁，份外相襯。鵝肝食落很嫩滑軟腍，入口即溶，都唔錯，如果可以厚身啲，香脆啲，就更合我口味。放底嘅多士同之前食嘅麵包應該係同類，可能因為密度唔高，遇上鵝肝嘅濕潤，加快咗變腍嘅速度。
白菌忌廉湯 (Cream of Mushroom)
平時鍾意飲紅湯多過白湯嘅我，因為見到另一個選擇係西班牙蕃茄冷湯，於是就揀咗好似無咩特別嘅白菌忌廉湯。餐廳負責人介紹呢個忌廉湯係有三種質感嘅白菌嘅，有白菌蓉，有白菌粒，同埋有生鮮嘅白菌片。未飲已經聞到好香白菌味，湯面加了幾滴香油，再飲就發覺其實呢個係白菌濃湯，啖啖湯都有白菌肉，不同質感嘅白菌，增加了層次感，真係好好飲，我想添飲呀！嘻嘻！
西班牙蕃茄冷湯 (Tomato Gazpacho with Grape, Berries)由於老友食家唔食得菌類，所以係沒有其他選擇下，揀咗個冷湯。西班牙蕃茄冷湯比想像中淺色，加入忌廉嘅蕃茄湯，可以中和酸味。最特別係湯中加了新鮮提子和藍莓點綴，而湯嘅溫度不會過冷。
香煎帶子風乾火腿 (Scallop with Parma Ham)
嘩！珍寶帶子好大粒，略為輕煎，外面熟，入面生，鮮味十足，肉質很嫩，又不失彈牙，配上柔軟鹹香嘅風乾火腿，真係好好味，好想食多幾粒呀！
水果雪葩 (Sorbet of the day)咁快食甜品？原來係傳統嘅西餐，雪葩係安排係頭盤同主菜之間，可以清一清味蕾。淺粉紅色嘅雪葩，起初以為係我至愛嘅香桃。不過聞真啲，原來係蕃石榴。蕃石榴味香濃， 很清新。
法式油封鴨腿 (Confit de Canard)今日好似食咗好多鴨咁，哈哈。鴨腿表面香脆，以提子，梨和紅菜頭伴碟，甚有心思。鴨腿經過醃製，肉質軟腍，我哋好輕易就可以分開啲肉。鴨味很濃，唔知點解越食得多，鹹味就越重。
海膽意大利飯 (Sea Urchin Risotto)呢個主菜係要一日前預訂，見到海膽兩個字，真係好期待，因為海謄撈飯又真係幾好味。海膽味甘，入口即溶，用來點綴，確是不錯。意大利飯嘅醬汁不錯，加上芝士，也不膩。意大利飯大大粒，比較硬身，真係好有嚼口，食完呢個飯，個咀都有啲攰。大廚解釋係跟番傳統嘅做法，提議可以略為調較一下，煮軟一點點就可以，既有咬口，又可以迎合本地人嘅口味。
焗龍蝦珊瑚蚌伴意大利雲吞 (Lobster with Ravioli, Carol Mussels)
起初見到滿佈醬汁嘅龍蝦鉗時，諗住無咩肉食，因為我哋無工具拆肉，點知原來已經係拆咗出嚟，大廚真係細心。龍蝦烹飪時間控制得好，肉質鮮嫩又爽口，配上醬汁，味道不錯。唔知係咪因為要搵橙紅色嘅食材已珊瑚蚌，配搭十分創新。不過在底嘅意大利雲吞皮有點實，不夠入味，有點失色。
是日甜品 (Dessert of the Day)今日嘅甜品係法式杏仁餅，小碟上放著三種不同口味，再用朱古力醬寫成餐廳嘅名稱，賣相簡單又不失心思。我嘅三款味道有士多啤梨，檸檬同綠茶，另外兩位都有其他口味，例如咖啡，Cappuccino 等。法式杏仁餅比平時見到嘅厚身，中間嘅餡料比較多。士多啤梨味甜酸味較突出，啱晒我，檸檬味清新而不過濃，而綠茶味比較淡，令杏仁味食落特別濃，不太適合怕杏仁味嘅我。
特式花茶 (Special Flower Tea)玫瑰花嘅香，綠茶嘅甘，蜜糖嘅甜，味道配搭得很好，是一杯不錯嘅餐後飲品。
總括而言，食物和服務質素很不錯，對於第一次食意大利私房菜餐廳嘅我，都感到有驚喜，亦都感受到餐廳負責人用心嘅一面。最後大廚出場，估唔到大廚咁年輕，好似學生哥，哈哈。
Post
