韓牛韓式燒烤 (Closed)

原本打算去食另一間性價比高嘅燒肉放題，點知冇位，咁唯有去附近食其他，見到創興樓下個廣告牌，所以就上去睇下，門口大大隻字寫$138起，見價錢都ok就入左去。入到去之後個感覺就好似去漢和咁樣，所有野都自助形式，宜家肺炎高風期，但食物都如常擺放，未見有蓋遮掩等，不過都有提醒食客攞野食要帶口罩。而食物嘅選擇一般啦，熟食、生冷食物同飲品嘅種類就較多，d炸物完全唔熱又唔脆，食落似食舊粉漿多d，壽司口感好奇怪，然後d肉類食物大部分都偏黑色，應該係擺放得太耐，醃料上有d偏甜有d偏鹹，其中墨魚仔食落好腥，而蔬菜類就正正常常，甜品方面我揀左d本地雪糕商嘅雪糕黎食，呢個係我唯一覺得偏好食嘅。最後埋單要$198加一，雖然放題價錢黎講係幾正常，但總括我成餐飯都覺得呢間野好低質，平時都有食開放題但第一次食到咁難食。