Video
Read full review
2009-04-10
5 views
我今次都係第一次係ＯＰＥＮＲＩＣＥ寫食評。 其實今晚原本我唸住同個朋友去ＡＰＰＬＥＧＲＥＥＮ食野既，但ＦULL晒，咁就去左前幾個鋪位既ＬＥＥ間『隔世好店』。入去既時候好有神秘感，因為雖然個門牌係地面，但間餐廳實際係Ｏ係地庫，行左好多樓梯級先落到去，跟住見到一隻好似可以通去走火通路既後門，我地猶疑左一陣先推開佢，然後發覺自己入左一間好靜，好有歐洲ＦＥＥＬ既一間餐廳，當時整間餐廳只有三張枱食緊野 （到最後都冇其他人黎，因為我地係最後離開既）。 記得店中間仲擺住隻大火腿！我地叫左海鮮湯，一個fresh tomatoes with mozzarella cheese, seafood risotto, baked lamb rack 同 chocolate 心太軟。assorted bread 後來店員同我地講係自家製，味道幾好，有olive oil 同 vinegar, 另仲有一個肉醬，正！湯 好鮮甜，市面上未飲過類似既海鮮湯，清得黎濃，蜆肉鮮甜tomato 新鮮，mozzarella 淡左Ｄseafood risotto 好有口感，初入口Ｏ個陣覺得個飯硬左Ｄ，但食食下就好有趙頭，risot
其實今晚原本我唸住同個朋友去ＡＰＰＬＥＧＲＥＥＮ食野既，但ＦULL晒，咁就去左前幾個鋪位既ＬＥＥ間『隔世好店』。入去既時候好有神秘感，因為雖然個門牌係地面，但間餐廳實際係Ｏ係地庫，行左好多樓梯級先落到去，跟住見到一隻好似可以通去走火通路既後門，我地猶疑左一陣先推開佢，然後發覺自己入左一間好靜，好有歐洲ＦＥＥＬ既一間餐廳，當時整間餐廳只有三張枱食緊野 （到最後都冇其他人黎，因為我地係最後離開既）。 記得店中間仲擺住隻大火腿！
我地叫左海鮮湯，一個fresh tomatoes with mozzarella cheese, seafood risotto, baked lamb rack 同 chocolate 心太軟。
assorted bread
後來店員同我地講係自家製，味道幾好，有olive oil 同 vinegar, 另仲有一個肉醬，正！
湯
好鮮甜，市面上未飲過類似既海鮮湯，清得黎濃，蜆肉鮮甜
tomato 新鮮，mozzarella 淡左Ｄ
seafood risotto
好有口感，初入口Ｏ個陣覺得個飯硬左Ｄ，但食食下就好有趙頭，risotto 唔係就係應該實心少少, 而唔係好似某Ｄ店咁將佢煮成淋飯。個汁亦都係冇得頂！片左Ｄ芝士係飯面，芝味夠香濃。
lamb rack
我唸只有五成熟，其實我自己都識整ＬＥＥ味菜，但未試過ＢＡＫＥ到咁生。出奇地，咁生都好滑，亦無血腥味，同Ｄ配菜一齊食好味道！有條asparagus 好大條，長同粗過筷子。
心太軟
個ＣＡＫＥ ＢＡＫＥ得好好，外面好脆，而入面個槳亦好有朱古力味, 伴碟既水果亦不錯。
整體上，我好滿意今餐，服務同食物都好好。只係覺得客人少左Ｄ，同其他食客一樣，有Ｄ替佢地擔心。咁俾心機去ＳＥＲＶＥ同ＣＯＯＫ既食店，今日真係買少見少，希望ＬＥＥ間『隔世好店』可以越做越多客！
Post